#تقت_و_ندمت
""
ملي كنت كنقرا فسيزيام ^^ كيفما راكم عارفين اول سنة والدخول المدرسي ودكشي وتعارف ويمات لبحر مشاو وووو... جيت لمدراسة باش نعرف عدمن داخل ولقيت راسي ديك ساعة داخل عند استادة ديال لعربية لمهم مع دخلت لقسم لقيت مفاجئة ولي هيا واحد عشيري سميتو امين انوياه خوت من صغر متيقتش بلي جا معايا في لقسم ريحت معاه تسالمنا وهيا تجي تريح واحد درية قدامنا زوينة وطويلة وليباغ وشعر قهوي وتقبة زين فحناكها ومديراش لمكياج لمهم تيتيزا بزاف قلت لصاحبي ديك الساطة سالات معيا بدا كيضحك شوية دخلت اﻷستادة واااااو على استادة و هيا تتشرح لينا كيفاش خاص ندوزو سنة وانا ساهي فيها حاضيها وهيا عاقت بيا لمهم بدات تدوي وتتخربق وشوية وانا نقول لديك درية الزوينة لقدامي (الكلمة المشهورة) ختي عندك شي ستيلو زرق وهيا ضحك قالت ليا هاك ومن بعد ردو ليا اخوية وانا نقوليها اك صافي بديت تنخربق فطاويلة دازت لوقيتا وملي تمينا خارجين عيطات ليا اﻷستادة قالت ليا سد معاك لباب سديتو وقالت ليا مالك قبيلا بقيتي ساهي انا تنشرح لتلاميد ونتا ساهي قلت ليها سمحي ليا ااستادة راه غير كنت تنفكر قالت ليا لمرة جايا ولي تنتابه. خرجت مشيت عند داك عشيري وبقينا حاضين تيتيز شوية وهو يقوليا راهيا ديك الدرية لعجباتك في لقسم وانا نقوليه راه ضروري خاصني نتعرف عليها قليا بلي هو عندو واحد صديقتو كتعرف كلشي مشينا عندها طلبنا منها باش تجيب لينا معلومات على الدرية قالت لينا صافي حسبو لغراض تقدا غدا تكون جميع لمعلومات عندكم من بعد تفارقت مع عشيري مشيت لدار كليت و دوشت شوية كنسمع دقان في الباب ملي طليت بان ليا عشيري جا عندي لحت ليه سوارت من الشرجم حيت مفيا لي ينزل عندو.حل لباب و طلع عندي وبقينا في الدار مكونيكطيين شوية جانا لمالال وصلت ديك 7 ديال ليل قاليا يلا نهطو و نجمعو دراري ونقصرو شي ماتش قلت ليه صاافي درنا مع دراري وانا رجعت لدار تنوجد لقيت كلشي إلى تقاشر بقيت واحل معاهم والو تعصبت ونا نهز تقاشر لواليدا هههههه وناري لحشمة مع هوما غوز بففغغف لمهم مبينتهمش بزاف فاش لبست سبرديلا هبطت قصرنا داك لماتش ؤ واحد خونا ضربني فدعني من رجلي لدرجة مقديتش نوقف عليها انا كحساب ليا تهرست بقيت طيح تما حتا جا بات داك الدري هو لي داني لسبيطار حمد الله ملقيت عندي والو دارو ليا واحد لبانضا وعطاوني عكاز ورجعت فحالي لدار شافتني لواليدة تخلعات وانا نقوليها متخافيش را غير توعت في كورة.لمهم حسيت بها باغا تقوليا نبعد على كورة مي مقدراتش حيت عارفاني عزيزة عليا وأنا نقوليها را هادو هوما الكويرية ضروري من الإصابات معلينا مشيت نعست مي ماجانيش النعاس حيت ديك البانضا تزيرات عليا وبدات رجلي كتعطيني صداع وانا نرخفها شوية عاد همدات عليا ونعست مرتاح واخا مكنتش كنقد نتقلب. فالصباح جاو عندي الدراري و جا معاهم داك لي ضربني فطرنا مجموعين من بعد مشيت لمدرسة أنا و أمين (داك دري لكيقرا معايا وديما محيح انوياه) دخلنا عند مولات لعربية ريحنا كيف لعادة بقيت ساهي فيها حاضيها وهيا كتشرح لبنادم دازت ديك لحصة كاملة وانا غير حاضيها ملي خرجنا عيطات عليا وعشيري بقا برا كتسناني مشيت عندها سولاتني مالك فرجلك قلت ليها راه غير لعبت ماتش او توعت فرجلي وهي تقوليا بعد من كورة راه غتخرج عليك (انا كورة هيا حياتي) قلت ليها واخا.ملي خرجنا تلاقينا مع
تلاقينا مع عشيرت أمين تتسركل مشينا عندها سولناها واش قدرات تعرف على الدرية شي حاجة و هي تعطينا ورقة عامرة معلومات بدينا تنقراو مكتوب فيها
اﻷغنية المفضلة: حاتم عمور (حسدونا)
كتسكن في البطيمات
ديرا في لفيس(*******)
لورقة عامرا معلومات بزاف قلت لعشيري يلا نقصيو بعدا و نكملو لهضرة مشينا لواحد السناك عمينا الجوع من بعد كملنا موضوعنا على الدرية قلت ليه مخصنيش نعطل هاد القوقة را هبلاتني.قاليا غير الى مبغيتيش رجعنا ديك الساعة ليسي وبقينا حاضين بنادم تبانت ليا ديك درية واقفة تاهيا قاليا أمين هادي هيا فرصتك باش توقف عليها مشيت زعمت مزيان وقفت قدامها قلت ليها سلام قالت ليا وعليكم سلام قلت ليها ختي ممكن واحد الدقيقة باغي ندوي معاك جريتها لواحد لقنت بعيد على بنادم وبديتك نعاود ليها راكم عارفين ديك لهضرة معلينا قنعتها بهضرتي ؤوافقات تصاحب معايا واخا هدي أول مرة غدي نهضر معاها فيها.
بقينا داوين جبدنا لهضرة على لقرايا و على عائلتها لمهم بديت كنقلقل فيها باش نتعرف عليها كثر.من بعد مشات رجعات عند صحاباتها.وانا رجعت عند عشيري منكدبش عليكم مسخيتش بيها هههههه مكرهتش كون الزمان وقف فديك لحظة وانا نتفكر بلي مخديتش من عندها نمرتها.و لمشكيلة هي مشات غبرات مبقاتش بانت ليا صافي قلت مع راسي نخليها حتال غدا و نخدها.
ورجعت لدار ديك الساعة وملي وصلات ديك 8 خرجت باش نتسخر لواليدة .في الدرب كينا واحد الجردة معمرني ريحت فيها واخا حدانا دزت منها حيت كتكون عامرة ببنادم قلت ربما نلقا دراري تما باش ملي ندي السخرة نرجع نريح معاهم.مي ملقيتهمش ولكن لقيت ديك الدرية مع شي عيالات تما ههههههه وانا ندوز من حداها و لمحت ليها باش تجي عندي وفعلا تبعاتني لحانوت أنا صافي نسيت راسي ونسيت السخرة هههه وأنا نشري ليها الزريعة.
ناس تيشريو لحبيبتهم شي حاجة غاليا وأنا شاري ليها زريعة بقينا تنضحكو و رجعنا لجردة ورجلي باقا تضرني ريحنا وهي تبدا تهضر ليا على لقرايا قالت بلي خاصنا نجحو هاد العام غدي نتعاونو أنا وياك قلت ليها صافي عولي عليا.وأنا نتفكر السخرة نضت كنجري قلت ليها را لواليدة كتسنا يلا نقربك لدار ملي وصلتها وبغيت نرجع فحالي وهي تقوليا واش مغديش تسلم عليا قلت ليها را نسيت مع الزربة ههههه ملي مديت ليها ايدي قالت ليا مالك باقي قديم و هي تبوسني من حنكي.ديك الساعة حسيت براسي بحال شي دري صغير ههههههه رجعت لدار وداك ليل منعستش كنفكر غير في لبوسة هههعه في الصباح نضت توضيت صليت جا عندي امين مشينا ليسي وحنا نتلاقاو بكوثر هدي سميت الدرية. مهم بقات غادا معانا في الطريق دخلنا لقسم وريحات حدايا.
وبقا كيشراح لينا داك الاستاد ديال لماط متيسكتش تيبقا داوي بزاف من بعد خرجنا وملي رجعت لدار كانت مفاجئة لقيت دخلت لدار وكانت مفاجئة اﻷستادة ديال لعربية جات لدار عندي؟!! ماهادا خههه لمهم دخلت سلمت عليهم بدات تتقول ليا استادة كيبقات رجلك قلت ليها شوية وهي تعاود تقوليا بعد على كورة و ديها في الدراسة ديالك باش تنجح لمهم بقات داوية راكم عارفين لهضرة ديال الاساسيذ معلينا انا أصلا مديتهاش فهضرتها حيت بالي غير مع كوثر هههههه من بعد مشات فحالها وأنا حليت لبيسي دخلت لفيس دخلت لباج قصص مغربية بالدرجة تنتسركل وهي تبان ليا كوتر أون لاين بقيت شاد معاها ستون ديك لعشية وفي الليل ملي نعست بدات رجلي كتعطيني لحريق منعستش بيها في الصباح داتني لواليدة لسبيطار شافني الطبيب وقاليا رام عندك والو غير نتا معطيش لرجلك الراحة باش تبرا خرج ليا شي مسكنات ديال الالام باش نولي النعس بالليل.
من بعد رجعنا ولوليدة بقات كتخاصم عليا داك النهار ممشيتش لمدرسة بقيت متكي في الدار وفي العشية جا عندي أمين جاب معاه بلاي ستيشن بقينا مقصرين شوية و أنا نتفكر كوثر صونيت عليها و هي تجاوبني وقالت ليا خوية مكنعرفك مكتعرفني
انا مفهمت والو و مبغات تقوليا حتا شي حاجة قطعات عليا التيليفون وانا معودتش عيطت ليها خليت حتال الصباح و مشيت لمدرسة واخا رجلي باقة مريضة بانت ليا كوثر داخلة لقسم مشيت ريحت وراها بديت تنقوليها غير ضوري غير ندوي معاك هزت صبعها وقالت ﻷستاد ممكن نتحول من لبلاصة قاليها اك مشات بعدات مني ولكن ملي خرجنا شديتها صحا و قلت ليها دابا غتقولي ليا مالك.قالت ليا شوف نتا اش درتي انا مفاهم والو حيت معارفش اشنو واقع.قلت ليها عودي ليا اشنو طاري من اللخر.
قالت ليا نتا باغي غيرتفلا نتا طيح مع الاستاذة ديال العربية وباغي تفلا عليا.قلت ليها اش كتخربقي من بعد غدي نعرف بلي الاستاذة ديال العربية مزعوطة فيا هههههههه
مشت عند عشيري و عاودت ليه لبلان بدا كيضحاااااك من بعد قلت ليه يمشي يعاود لكوثر بلي را مابيني وبين الاستاذة والو فعلا مشا عاود ليها اش كين وثاقت بيه ورجعات لمياه لمجاريها.دازت ليام و العلاقة ولات مزيانة بيناتنا.
واحد النهار كنت مريح معاها في الجردة وهي تبان ليا الام ديال صاحبي أمين كتغوت و كتبكي مشيت كنجري عندها سولتها قالت أمين دار كسيدة خيبة حسيت بدنية دارت بيا ولله ومعرفتش فين نمشي دخت وحتا كوثر مبقيتش عاقل عليها ههههههه لمهم بان ليا واحد ولد جيرانا غدي عندو و انا نلصق فيه داني معاه مشنا لبلاصت الحوادث الحمد الله لقينا أمين ما واقع ليه والو سولتو أش وقع ليك قاليا غير كنت لاصق في كاميو وأنا نطيح ههههههه مسخوط ولكن الحمد الله غير تقصح في إيدو صونيت على لواليدة ديالو وقلت ليها متخافيش راما وقع ليه والو وبقينا معاه حتا جبناه لدار
من بعد ما جينا لدار ديك الليلة دوزتها معاه غير ضحك و نشاط ومرةمرة كنقصرو في البلاي.بقينا حتا دانا النعاس معقلناش على راسنا ههههه ولغد ليه مامشيناش لمدرسة.بقينا في الدار هو داير السبة بايدو وانا دايرها برجلي هههههه.
من بعد تفكرت كوثر كنصوني عليها و مكتجاوبش انا قلت واقيلا غير مشغولة معلينا قلت حتا نمشي لمدرسة و نشوفها وفعلا ملي مشيت تلاقيت معاها وأنا مسولتهاش علاش مجاوباتنيش لبارح هضرت معاه عادي.
دازت ليام و الشهور واحد نهار جا عندي أمين وقاليا بلي ديك كوثر غير كتفلا عليا أنا كيحساب ليا غير كضحك معايا قلت ليه براكة من ضحك ديال والو وهو بدا كيحلف ليا انا ديك اللحظة كعيت وانا نقوليه قلب عليا.وهو يمشي فحالو من تما مبقيتش هضرتو.
وملي تلاقيت مع كوثر سولتها واش كتعرف شي واحد من غيري جاوباتني وقالت ليا لا انا معاك غير نتا صافي وانا نقلب لموضوع وبقينا هاكاك حتال واحد نهار كنت دايز انا وياها و هو يشوفني أمين جا عندي و قاليا واش باقي معاها مجاوبتوش وهي تقوليا كوثر هذا مالو قلت ليها را غير حاسدني.صافي مشينا لواحد لقهوة وريحنا بقينا كنهضرو وهي تقوليا خاصني تيليفون وانا نعطيها 1000 درهم باش تشريه ههه هي بينات ليا منقدرش نقول ليها معنديش فلوس.لمهم دوزنا داك النهار وملي تلاقينا لغد سولتها واش خديتي التيليفون قالت ليا لا مازال.حتا نمشي مع ماما ونشريه قلت ليها والى سولاتك منين جاوك لفلوس؟قالت ليا غدي نقوليها كنت جامعاهم
معلينا مشينا قرينا داك النهار دوزناه غير ضحك ونشاط ؤوصلتها لدارهم ومشيت انا لدار وكنفكر في النهار لي دوزت معاها شوية وانا نقول مع راسي نمشي نتفرج في اللونتريمة ديال الدراري في لاصال.مشيت وانا نختاصر طريق دزت من واحد الدريبة خاوية فيها غير الظلام و لمشاش ههههه ملي وصلت لنص طريق بانت ليا طوموبيل واقفة تما وكتزعزع قلت هذا ميكون غير شي واحد شاد شي وحدة ههههه قلت ارا نضرب شي طلة.مي كانت الصدمة
ملي طليت كتبان ليا كوثر كتزعلل فوق واحد خينة. متصوروش باش حسيت ديك اللحظة وتفكرت هضرت عشيري أمين ملي قاليا غير كتفلا عليا و متقتش بيه. تفوووو رجعت فحالي لدار ومبقيتش خرجت و كوثر كتعيط ليا مكنجاوبهاش مي ندمت حيت مبهدلتهاش ملي شفتها بداك لمنظر.واحد نهار مشيت لمدرسة وهي تجي عندي يلا قالت السلام وانا نبدا نسب فيها مخليت باش سبيتها وقلت ليها من ليوم متبقاي دوري بساحتي وفديك اللحظة أمين كان كشوف من بعيد من بعد جا عندي قاليا ياكما دارت ليك شي حاجة.قلت را شفتها مع واحد خونا ووووو قاليا ياك قلتها ليك و متقتيش بيا.طلبت منو سماحة مي هو قلبو كبير واخا قمعتو متخلاش عليا.
تفارقت مع كوثر وحلفت منبقا ندور بشي وحدة ديتها غير في لقرايا وقلبت على تفليا حتال واحد النهار كنت عند أمين كنراجع معاه وملي كنت جاي فحالي تلقاو ليا 2 دراري بغاو يكريسيوني مي لقاو عندي غير لكتوبة هههههه مي واحد فيهم ضربني بواحد تمرميقة حتا شعل معايا الضو وحيدو ليا صندالة نضال جيت لدار حفيان هههه.
من بعد ما دازو شي يامات جات عندي كوثر وقالت ليا بلي حاملة مني ههههه انا بديت كنفكر أو كفاش غادا تحمل مني وانا معمرني قستها بنت اللدين بغات تلصق فيا حيت كاع الناس كانو كيشوفوني معاها.من بعد بدات كطلب مني لفلوس باش مديكلاريش بيا هنا غدي نعرف بلي غير كتكذب وباغا تنصب عليا مشيت عاودت لأمين لبلان و قاليا متخافش غدي نهنيك منها مشا عندها وهددها بشي تصاور و فيديوات كتبان فيهم عريانة.من تم مبقاتش كدور بساحتي ولاتك تشوفني كتقلب طريق هههههه.
واخا هي خارجة لطريق كتقرا مزيان وكتجي من اللولي نوانا معمرني ضسرتها عولت على راسي.داك لعام لقسم كولو نجح من بعد تحولنا من ديك لمدرسة انا وامين حيت لعام جاي عندنا لباك و خاصنا نجمعو راسنا فيه حيت ماسهلش مشينا لمدرسة اخرى واخا بعيدا شوية مي مبقيناش كنتلاقاو مع وجوه النحس. العبرة من هاد الشي كامل هي متبدل صاحبك غير بما كرف منو.
نتمنا تكون عجباتكم القصة .
النهاية
محول الاكوادإخفاء الابتساماتإخفاء ركن الاسئلنة