#حب_حیاتي
القصة بدات ملي كنت كنقرا في السنة الثالثة اعدادي (الكتريام)زعما هههه.بدينا لقراية بشحال من شهر ديك لوقت انا مكنتش معمر راسي بالدريات كانت اخر حاجة كنفكر فيها هي نتصاحب مع شي درية.و كنت تقريبا كنكرههم معرفتش علاش ممكن تقولو ليا علاش؟صافي نساو هههه.لمهم كانو كيقراو معايا بزاف ديال التيتيزات مي مكنتش ومسوق لهم من بعد شفت واحد الصاطة و بالضبط في الحصة ديال الرياضة من أول نظرة عجباتني واخا شحال من شهر و هي معايا في نفس القسم مي مبقيتش داير لبلان في راسي قلت حيد عليا بقا ليا غير التصاحيب.
من بعد لقضية بدات كتزير عندي وليت فينما كنشوفها قلبي كيبدا يفدفد ههههه كتبان ليا السيدة مثبتة و محصنة.وليت كنحس بشي حاجة من جيهتها وانا نقول مع راسي علاش منجربش حظي معاها وفعلا صيفت ليها رسالة.القرن 21 عصر العولمة و حرية التعبير و انا مصيفت ليها ورقة فيها لطالما احببتك.... هههههههه شحال كنت هبيل هههه
ماعلينا الطلب تم رفضه هههه بالعربية تعرابت دفعات كبير قالت ليا انا مكنتصاحبش(يا لهويييي...)اصلا درتها غير هبل تربح من بعد صيفت ليها رسالة اعتذار و نسيت لموضوع.ولكن قلبي كان عندو راي اخر مابغاش انساها و عودت صيفت ليها مرة خرى و درت بزاف ديال المحاولات مي والو.ديك ساعة حطيت السلاح استسلمت.سالا لعام نجحنا وطلعنا لسنكيام ولحسن لحظ طحنا في نفس لقسم ههههه واخا هكاك متسوقتش دوزت لعام غير ضحك و تفرويح حيت كنت معول ندير السونطر داز داك لعام كنت فيه انا هو لمدير ديال ليسي كنجي غير لوقت لي قالها ليا راسي.لمهم لخبار فراسكم منجحتش بطبيعة لحال مغديش نجح واش لي مسيني جوج ديال الالتزامات في شهر غدي ينجح؟ الجواب بكل بساطة لا ههههه.
من بعد مشيت درت السونطر ؤ واحد نهار قاليا راسي نمشي نضرب دويرة في الليسي كذبت على الواليدة الله يسمح ليا قلت ليها الحارس العام بغا يشوفني.هي هديك مشيت دخلت الليسي ديك الساعة كان باقي وقت التقياد و انا غير دخلت مدرم لمهم واقف مجمع مع لي فان بغيت نقول مع العشران كنهضرو و كنضحكو واحد شوية كتبان ليا الفتاة اييييه ديك الصاطة لي مزعوط فيها ههههه دايزة هي و صحباتها.اييييوا اش غدي نقوليكم تمنيت كون مامشيتش لتما.جيت لدار طريق كلها و انا كنخمم ملي وصلت لدار سولاتني لوليدة علاش عيطوا ليك في المدرسة.قلت ليها را بغاوني نرجع نكمل لقرايا ههههههه لي سمعني داوي يقول هاد السيد كضرب غير 20على 20 وما جاورها هههههههه.
ديك الساعة قالت ليا صافي رجع لمدرسة.ملي شفت راسي بلي كحلتها قطعت وعد بيني وبين راسي بلي خاصني نقرا مزيان و اخا انا راجع غير على قبل الدرية.لغد ليه مشيت لقريعة ناس ديال كازا غدين اعرفوها خديت شي بياسات و من بعد مشيت الليسي تقيدت و بديت خيطي بيطي في الليسي ؤ واخا هكاك مقدرتش نهضر معاها وبقيت غير كنشوف بعويناتي.
دازت الايام تعرفت على شي فتيات من القسم و شي دراري بدينا كنديرو واحد التجمعات لي كولشي كان كيحسدنا عليهم راكم عارفين..لمهم كنا كنديرو دائرة و كنشدو قرعة كندوروها لوسط ؤ لي جات في جهتو لقفالة كسولو الشخص لي جاه لعكس ديال لقفالة
واحد لمرة جات فيا انا وسولاتني واحد الصديقة الله يدكرها بالخير سميتها سهام لي كنوجه ليها التحية من هاد المنبر ....هههههه
قالت ليا واش عمرك بغيتي شي بنت بطبيعة لحال الجواب كان اه وقلت ليها بلا متسوليني على سميهتا حتال هاد اللحظة حتا شي حد ماكان عارف هاد القضية ملي قلت ليها اه دار فيا عشيري هاي هاي هاي هذي كاعما كانت في خباري ههههه....
لمهم داز داك النهار صافي ولقضية بقات هكاك حتال واحد النهار البطلة ديال القصة غتكون غالسة مع واحد الدرية كتقرا معايا حدا دارهم حيت ساكنة حداها من بعد غدي نكتشف بلي هي من عائلتها..سولاتها قالت ليها واش كيقرا معاك فلان؟قالت ليها اه. علاش؟
اوا جاوبتها وقالت كان مزعوط فيا ههههه.
لغد ليه جات عندي وقالت ليا عرفت سميت الدرية لي مزعوط فيها قلت ليها كيفاش حتى عرفتيها؟مهم عودات ليا لبلان وقالت ليا بلي هي من عائلتها.
لمهم من بعد انتشر الخبر كالنار في الهشيم ههههه راكم عارفين لفتيات خبار بحال هذي كدار في الصفحة الاولى ههههه
انا بصراحة تصدمت ملي قالت ليا بلي فلانة من عائلتها و في نفس لوقت فرحت قلت صافي هاد خيتي غدير معايا لمزيان.مي واخا هكاك متبدل والو عيات ديك خيتي متخيط بيناتنا ؤ والو السيدة راسها قاصح لمهم لي زامي بقاو ديما فارعين ليا راسي سير هضر معاها سير سير ...مي انا مكنتش قادر نزعم عليها
واحد نهار قلت صافي غدي نمشي تميت غادي وصلت حتال حداها وانا نطيح السينيال و ضرت على الليمن هههههه كي غدي ندير محدي كنقرب لحداها والقلب عندي كيزدح كان غدي يخرج من بلاصتو.
صافي دازت الايام سالات الدورة الاولى شدينا العطلة مشيت ضربتها بتسافيرة لمراكش وملي دخلنا وقع ليا مشكيل في الليسي. كان كيقرينا واحد الاستاذ ديال العربية داير بحال لمرا كلبس ستيل ديال الدريات و يتعوج في المشية و لهضرة انا مكنتش حاملو و مكنتش كنحمل بحال هاد النوع لمهم تشاديت انا وياه و ترونات ديال بصح و مشا ولد لقاف دار سرتفيكا و دفعها لجوندارم حط علينا باطل انا ؤ واحد عشيري ؤ واحد خينا فورورو كيقرا معانا لمهم تدخل لمدير و شي اساسيد فرينا لقضية معاه.من بعد بقات لقضية غادا مزيان نسينا داك صداع راس وقررت نديها في لقرايا شوية.معلينا داز تقريبا شي شهر كنت واقف كيف لعادة مع مي زامي و هما يتافقو عليا الدراري و الدريات باش يديوني نهضر مع الدرية لمهم والله في رمشة عين محسيتش حتا لقيت راسي واقف معاها هههه كنت كندير ليهم السبة بصاحبتها ديما كتكون معاها الساعة في لحظة لقيت صاحبتها صدرها عشيري في قنت داها كيلاهي فيها و انا لصقوني مع الدرية هههههه لمهم بديت كنخوي عليها قلبي و هي را عارفة من امتا و انا حاط عليها العين 3 سنين و انا غير كنشوف بعويناتي.
بديت كنعبر بلا بلا بلا وهي غير كتسمع في اللخر قالت ليا نكونو غير اصدقاء ههه منقدرش نتصاحب.قلت مع راسي (اواه انا مخلص 450 درهم في السونطر و بلوزة ب 100 درهم وسمانة وانا كنفيق مع 5:30 ديال الصباح و تخليت عليهم و كاذب على لوليدة من لفوق على قبلها و في اللخر تقوليا نكونو اصدقاء؟؟لا لا لا مامفاكش).بغيت ندير فيها معلم قلت ليها ميمكنش الحب اتحول لصداقة متقولي ليا والو دابا حتا تفكري عاد جاوبيني.
خليتها و رجعت عند الدراري صافي بقاو شادين فيا لمهم لغد ليه وقفت عليها عوتاني هههه ولات عندي لقضية ساهلة مبقيتش كنلقا مشكيل زعمت عليها هههههه هضرت معاها وقلت ليها
مبقيتش كنلقا مشكيل زعمت عليها هههههه هضرت معاها وقلت ليها امدرا فكرتي فداك الشي لي قلت ليك قالت ليا را هضرت معاك. قلت ليها لا انا كنبغيك و ناوي نكمل حياتي معاك ووووو لمهم مبغاتش تبدل رايها ديما كتقول ليا نفس لهضرا وانا نقوليها غدي نعطيك سيمانة باش تفكري مزيان من بعد والله مغدي نبقا نصدعك. دازت ديك السيمانة طوييييييلة حيت مبقيتش كندور بها خليتها تفكر على خاطرها ملي دازت السيمانة مشيت عندها مي لقيتها باقة متشبثة بقرارها صافي هي هذيك قلت ليها مغديش نبقا نجبد معاك هاد لموضوع و ميمكنش ليا نكون صديق ديالك. من بعد وليت مريض مبقيتش كنجمع مع الدراري بزاف واحد فكرت باش نطيح مع واحد البنت اخرى باش نسا هاديك وفعلا هضرت معاها ؤ وافقات مي واخا هكاك مكنتش كنوقف معاها بزاف واحد نهار كنت جالس بوحدي داير لمزيكة في ودني و حادر راسي غاعما كاين فهاد لعالم شوية وهي توقف عليا الدرية لي مزعوط فيها هي وصاحبتها لمهم ديك صاحبتها خدات من عندي التيليفون و مشات بقات كتمزك و الدرية بقات معايا بدينا كنهضرو بلا بلا و انا نعاود نسولها و قلت ليها عطيني غير فرصة و هي تقوليا ختار يا اما نكونو اصدقاء و تقدر توقف معايا ؤ لا نتصاحب معاك و نهضرو غير في التيليفون؟؟قلت معا راسي شحال قدني نهضر معاها في التيليفون تامالي مدير ديال الاتصالات.. قلت هذي مغينفع معاها غير التشيطين قلت ليها صافي نهضرو في التيليفون.لمهم تكوني صحيبتي هههه.داك النهار كان عندي بحالا المنتخاب دا كاس العالم ههههه.لمهم فريت جقلة مع ديك الصاطة لي طحت معاها و بقيت مع حبيبة لقلب.
لغد ليه وقفت عليها كنهضرو هي نسات داك الشرط و حتا انا نسيت لقضية مشات كما بغيت صافي بقينا ديما كنوقفو و كنهضرو وبعد لمرات كنمشي معاها في الطريق و بقات لقضية هكاك..
لمهم ولينا كنجمعو مع بعضيتنا بزاف ولات لعلاقة بيناتنا مزيان واخا كان الحب من طرف واحد خوكم ما استسلمش حاولت ديما نكون معاها رومانسي هههههه درت بزاف ديال الحوايج باش نخليها تبغيني مي متبدل والو.صافي وانا بقيت غادي معاها بنيتي داك الشي لي كين كنقولو ليها مكنخبي عليها والو وليت كنشارك معاها غاع الاسرار ديالي كنت داير فيها ثيقة كبيرة.
لمهم دوزنا داك لعام غير في الساحة ديال لمدرسة حيت هي لي كنا نقدرو نهضرو فيها على خاطرنا حيت واحد لبعلوك ديال خوها كان كيقرا في الاعدادي باقي لاصق غير في لرض وكتخاف منو هههه مي انا صبرت وكنت كندير ليها خاطرها اصلا كنت كنلقا راحتي في الساحة.من بعد سالا لعام جات لعطلة محملتش راسي ههه من نهار تصاحبت معاها وليت كنكره شي حاجة سميتها العطلة...وحتى داك الويك اند مبقيتش كنحملو راكم عارفين علاش ايييييه مكنتش نقدر نتفارق معاها
واخا هكاك كنت كنشوفها مرة مرة كنا كنتلاقاو وكنهضرو واحد السويعة من بعد كترجع لدارهم و كنكملو لهضرة في الفايس اي داك الزيرو فايس بوك كان داير لمزيان ههههه تصورو معايا ملي كنحل عيني صباح وانا ملصق التيليفون في ادي كنبقاو نشاطيو حتا شي واحد فينا كيديه النعاس اصلا كانت هي ديما كيديها نعاس باغ سو كو..اش كنخربق بقات ليا غير لفرونسي هههه
...حيت هيا نقدرو نكولو مكانتش عاطياني شي قيمة كانت كتعتابرني مجرد صديق على اي دازت لعطلة ورجعنا لمدرسة بنادم كلشي حاقد حيت لعطلة سالات الا انا ههههه كنت كنتسنة لقراية على احر من الجمر هههههه تقيدنا وبدات لقراية هي كان عندها الباك وان يلا غدي نقرا السيزيام حيت انا عاودت السنكيام لمهم داك لعام بديت كندوز في البيرمي ؤ واحد نهار جات عندي وتفركعات عليا وقالت ليا غدي نتفارقو انا معرفتش شنو سباب و جاتني لبكية لمهم شفت حتا عييت قلت اوكي صافي نتفارقو من بعد ولات كتعيط ليا وطلبات مني سماحة و رجعنا عوتاني صافي من تما لقضية طورات شوية ؤبدات حتا هي مرة مرة كتعبر و داك الشي مشي شي حاااااجة ولكن بدات كتعود عليا.
فهاد لعام غدين نوليو نخرجو بجوج مشينا لعين دياب و مرة خرجنا حنا واحد لكليكة مشينا لملتقى الطالب و ضرنا شوية .
لمهم بدينا كنتقربو لبعضياتنا بزاف.
ولكن من بعد بداو كيوقعو بزاف ديال لحوايج لي معجبونيش بحيث دوك الدريات لي كنت معاشر معاهم و هما لي عونوني باش قدرت نزعم و نهضر معاها ولاو باغين افارقونا حيث وليت عاطيها وقت بزاف و كنهتم بها ربما حسدوها و حتا شي صحابتها قالوها ليها غير بالضحك ههه ولكن مخرجينها من لقلب .
فهاد اللحظة انا وليت كنغير عليها بزاف و مكنتش كنحمل شي حد يهضر فيها خايب ؤلا يمشي معاها شي واحد في الطريق.كان واحد خاينة قرا معايا وكان معاها في نفس لقسم كان كجمع معاها هي والدريات و كيمشي معاهم في الطريق حيث كان تقريبا ساكن حداها وانا مكانش عندي مشكيل في الاول حيت كنعرفو و ما كنتش كنظن فيه شي حاجة خايبة مي من بعد انا وليت كنغير كثر من لقياس و خصوصا بعدما قالت بلي حتا هي ولات كتبغيني .قلت ليها متبقايش تمشي مع فلان في الطريق ؤلا تهضري معاه قدامي قالت ليا واخا مي كنت ديما كنشوفها معاه وعاودت تبريت فيها و قالت ليا را هو لي كيجي عندي...
ديك الساعة قلت ليها مكاين باس من بعد شفتو وانا نقصدو قلت ليه الصاط بعد على فلانة متبقاش ضور بساحتها قاليا واخا مي هو نواها فشكل كيحساب ليه سمعت عليه شي حاجة و حيت هو كان حاقد على واحد خيتي لي هي من عائلة الصاطا ديالي مشا تفركع عليها ووووو اصلا انا غير سمعت لمهم داز داك النهار و دازو الايام ؤ واحد نهار كانت هي خارجة مع 10 و حتا انا كنت خارج في نفس لوقت بقيت حاضيها وداك خونا حيت معاها في نفس لقسم خرج مي بقا غادي مع الدراري و انا مشيت لواحد لقنت وبقيت حاضيهم من بعيد شويا تبعتهم مي من طريق خرى و كان معايا واحد الدري انا كنت عارف غادي ايمشي عندها و يبقا غادي معاها في الطريق.شويا حتا كيبانو ليا دايزين بجوج من القنطرة صافي محسيتش براسي حتا لقيت راسي واقف عليهم شديتو هو وهي موقفاتش بقات غادا لمهم كنت شاعل داك الزبل حاشاكم طويل قد لبوطو ديال الضو انا ماعاقلش على راسي كيبان ليا غير نهزو ونلوحو مو من لفوق لقنطرة داك الدري لي كان معايا هو لي قاليا صافي قلب و انا نلحق على ختنا قصحت معاها لهضرة منكذبش عليكم محملتش داك الديكور لمهم رجعت وبقا كبرد فيا الدري .
صافي انا نسيت لموضوع مي مبقاش داك خونا كضور بساحتها.ولكن ماشي هادا هو لموشكيل باش تعرف بنادم ديلمو مريض وعقليتو مسخا شحال من واحد عارفها مصاحبة معايا و كيتلوط عليها ؤ واحد منهم كان عندي معاه وقرا معايا واش دابا بحال هادو متدبحش مهم؟؟لمهم انا من بعد ما ضرت فيها مبقاتش كديها فشي كلب ولي دوا معاها كتقمعو هاكا بقيت هاني.
لمهم من بعد علاقتي بدات كتخياب مع دريات لي كانو بحال خواتاتي ؤ وقفوا معايا في شحال من موقف خصوصا فاش كنت ضاربت مع داك الاستاذ ديال العربية .
معلينا هاد لعام وقعو بزاف ديال لحوايج خايبين بداو صحباتها كوسوسو ليها وانا دوك خياتي ولاو كقولو ليا عليها شي هضرة.
واحد نهار كنت دخلت معاهم لقسم و بالضبط عند الاستاذ ديال الاجتماعيات مقراوش ديك الحصة غير صحو فيها واحد لفرض وخداو النقاط ديالهم من بعد بقينا عاطينها غير لهضرة و انا قلت ليها بغيت نشوف تصاورك قالت ليا التيلي طافي ومع انا مشي من لعاكزين قلت ليها ديري لكارط ميموار في تيليفوني.هيا هذيك دارتها و بقينا كنتفرجو في التصاور شوية دق الجرس وخرجنا بقينا جالسين في الساحة كنكملو التصاور مي انا خرجني الحارس العام وخرج غاع الدراري نوغمالمو كولشي كيخرج دراري ودريات مي حيت لبلاصة لي فيها لمدرسة خايبة وكانت ديك الساعة لعشية خلاهم لداخل.صافي انا خليت ليها تيليفوني و خرجت اح على داك التيليفون كنت نخليه عند شي وحدة ؤلا شي واحد كنلقاه دار على لمدرسة كاملة كنولي نشوف تيلفوني عند وحدة غاعما كنعرفها كولشي كان كيشد داك التيلي حيت كانت فيه واحد الكارط ميموار جامعة جميع انواع الاغاني وا موازين و مدارهاش هههههه معلينا خليت ليها المشقوف و خرجت برا.ملي وصلات 6:00 خرجات ولكن كان وجهها مبدل جات عندي قالت ليا واش محطيتيش تصويرتي في تيلفونك؟(اوااااااه اش هاد التبرهيش عوتاني)انا دخلات ليا الشك كيحساب ليا غير باغا تشد فيا الساعة لبلان صدق بصح.قلت ليها لا
انا فهاد اللحظة تلفت حيت من قبل كنت قلت ليها عطيني تصويرتك و مبغاتش.بديت كنقوليها واقيلا نتي لحتيها بلا متحسي ؤلا دازت بوحدها.بديت كنحلف ليها بلي مشي انا اصلا هي مكلخة واش انا غنكوبي التصويرة عندي ونخلي ليها لمشقوف ؟؟
لمهم دازت لقضية وتنسات مي بقات ليا فبالي من بعد شي عام تقريبا وانا نسولها قلت ليها واش صاحبتك عطيتيها التيليفون شي لحظة؟قالت ليا اه.حيت مكنتش كنتيق فديك خيتي بنت اللذين هي قوقة وقلدة و لعوينات خضرين و لكن لقلب كحل وشيطانة.
قلت ليها صافي. فهمت دابا لمهم هي فهماتني اش بغيت نقول ؤ لات رادة لبال معاها.
وماشي غير هاد شي واحد النهار كانت كتبرباري لباك هي وديك خيتي وشي صحاباتها في الدار و كنت كنهضر معاها في الفايس
شوية ديك صاحبتها القوقة هزات ليها التيلفون وبدات كتصيفت ليا لمسجات وهي كتشوف داك الشي لي كتكتب انا كان كيحساب ليا هي لي كتكتب لمهم عطاتني شي هضرة قاصحة لدرجة قلبت عليها ولكن ذنوبي خرجوا فيهم بجوج منجحوش في الباك ههههههه
معلينا حتا داز على ديك لهضرة شحال و تفارقت مع ديك القوقة عاد قالت ليا بلي صاحبتها لي كتبات داك الشي.
شوفو الصحبة كيدايرة شرات ليا الصداع مع الدرية لي هي صاحبتها يا حسرة و كانت كتعتابرها ختها ههه.لمهم هاد لعام وقعو بناتنا بزاف ديال لمشاكيل بسباب لهضرة ديال بنادم وشي تصرفات ولات كدير و زيد و زيد.من بعد شدينا لعطلة وبقينا كنهضرو في الفايس وملي جا رمضان قلت ليها بلي من ورا لفطور عاد نوليو نهضرو حيت انا كنت كنخرج غير لكلام لحلو من فمي هههههه مبغيتش نزبالي وانا صايم لمهم قالت ليا اوكي.وبقات لقضية غاذا هكاك داز رمضان ولعيد وداز تقريبا شي شهر واحد نهار كنت كنهضر معاها بليل وملي سالينا لهضرة وبغيت نعس جاني واحد لوسواس برزط ليا راسي وانا ندخل لفايس ديالها.
وكانت الصدمة ههههه لقيتها بلي كانت كتهضر معا واحد من رمضان وعاطياه النمرة ديالها و كتمساجا معاه واش منك يا حبيبي و كيصبحتي ؤ واش نوجد ليك لفطور وووووو ولقيت بلي تلاقات معاه.اييييييييييه اسي.لمهم منعست ديك الليلة لغد هضرنا عادي مبينتش ليها واحد اللحظة طاحت عليا واحد الفكرة.قلت ليها فلانة بغيت نقوليك شي هضرة ومتقلقيش.قالت ليا غير قول...
...قلت ليها كنت غادي نخونك مع وحدة مي مقدرتش حيت عرفت بلي كنبغيك بزاف.(بغيت نشوف الرد الفعل ديالها كي غادي يكون).واش عرفتو اشنو اول كلمة قالت ليا؟؟
قالت انا وليت كنكرهك صافي نساني بمرة..هنا عرفت السيدة بلي باغا غير السبة ولكن صدمتها ملي قلت هي دابا انا هاد شي لي خصني ندير بطبيعة لحال هي مافهمات والو.وانا نقوليها هاد شي غير قلت ليك بلي كنت غادي نخونك لعلم الله كنت خنتك ديال بصح اش غديري.وانا نقوليها شكوناهو داك فلان؟صافي هنا خربقت ليها سلوكا ديال مخها وبدات كتقوليا را غير كنت كنتفلا عليه و كندوز بيه لوقت وووووو لمهم بحكم انا الحب كان عامي ليا عينية دارت ليا بزاف ديال الاعذار و دوزتها ليها مي مبقيتش كنتيق فيها بمرة.و كنت ديما كنفكرها فهاد لقصة.
من بعد سالات العطلة وبدات لقرايا عوتاني وجمعنا الحظ مرة خرى في نفس القسم حيت هي عاودات لباك كانت كتقوليا بلي مغتعاودش مي رجعات في اللخر لمهم فهاد لعام غدي تطور لعلاقة ؤ وليت كنسمع منها لكلام لحلو و داك الشي وووو.
هههه انا ولا عاجيني لحال قلت صافي السيدة ولات كتبغيني وبدات كتبادلني نفس لمشاعير.لمهم بحكم كنا في نفس القسم مكناش كنتفرقو كنجلسو في نفس الطاولة ندخلو بجوج و نخرجو بجوج ههههه ترا بزاف ..واخا هكاك منسيتش لقرايا كنت جامع راسي كان عندي مشكيل غير في الفرونسي والفلسفة هما لي كنت مطنغ فيهم مي المواد لخرين كان عندي معاهم خصوصا الانجليزية.والدرية كنت ديما كنوريها واخا الاستاذ كان كتبرا مني مكنتش كنتسوق ليه..لحب وميدير واش نضرب انا 17 و 18 والصاطة تجيب 10 مريض هاذا كنت نقدر نكتب سميتها في الورقة ديالي غاع ههه. لمهم لعام ديال لباك داز حلوة وبكيت فيه شحال من مرة بسبابها.
حيت بديت كنحس بلي لقضية مغتساليش بيخير لمهم هذيك كانت غير فترات فراغ ؤ صافي.
من بعد ولا كلشي غادي مزيان بدات حتا هي كدير فيا الثيقة واخا غير سطحية.مشي شي ثيقة نيت.فهاد لعام ولينا كنهضرو بزاف ؤ وليت كنهضر معاها على الزواج و بدينا كنخططو لحياتنا ووووو لدرجة تصورو معايا مبقيتش كنحط التيلي من ايدي واخا نكون كنتعشا كنبقا نهضر معاها كل ضغمة بميساج الليد الليمنية كناكل بيها والليسرية كنصيفت بيها لمساج هههههه.
ﻣﻦ ﺑﻌﺪ ﻭﻟﻴﺖ ﻛﻨﻌﻄﻴﻬﺎ ﺷﻲ ﺍﻗﺘﺮﺍﺣﺎﺕ ﻭ ﺷﻲ
ﺍﺳﺌﻠﺔ ﺑﺎﺵ ﻧﻌﺮﻑ ﻟﻌﻘﻠﻴﺔ ﺩﻳﺎﻝ ﻭﺍﻟﻴﺪﻳﻬﺎ.ﻟﻘﻴﺖ
ﺑﻠﻲ ﺩﺍﺭﻫﻢ ﻣﻜﻴﻬﻤﻬﻤﺶ ﺭﺟﻞ ﺑﻨﺘﻬﻢ ﺍﻟﻤﺴﺘﻘﺒﻠﻲ
.ﻳﻜﻮﻥ ﻣﻌﻘﻮﻝ ﺅﻻ ﻧﻘﻲ ﺍﻭﺍﻭﺍﻭ
ﻟﻲ ﻛﻬﻤﻬﻢ ﻫﻮ ﻳﻜﻮﻥ ﻣﻠﻌﻖ ﻳﻌﻨﻲ ﻫﻤﺎ ﻃﺎﻣﻌﻴﻦ
ﻫﺬﻱ ﻫﻲ ﺍﻟﺼﺮﺍﺣﺔ.ﺻﺎﻓﻲ ﻫﻨﺎ ﺍﻧﺎ ﻋﺰﻣﺖ ﺑﺎﺵ
ﻧﻜﻮﻥ ﻣﺴﺘﻘﺒﺎﻟﻲ ﻭﺍﺧﺎ ﻫﺎﺩ ﺍﻟﻨﺎﺱ ﻣﻴﺼﻼﺣﻮﺵ ﻟﻴﺎ
ﻟﻤﻬﻢ ﻋﻨﺪﻱ ﻫﻮ ﻧﺘﺰﻭﺝ ﺑﺎﻟﺒﻨﺖ ﻟﻲ ﻛﻨﺒﻐﻲ.ﺑﺪﻳﺖ
ﻛﻨﻘﺮﺍ ﻣﺰﻳﺎﻥ ﻭ ﻛﻨﺮﺍﺟﻊ ﺩﻭﺭﻭﺳﻲ ﻭ ﻛﻨﺒﺮﺑﺎﺭﻱ
.ﻟﺒﺎﻙ ﻣﻦ ﻟﺒﺪﻳﺔ ﺩﻳﺎﻝ ﻟﻌﺎﻡ
ﻟﻮﻟﻴﺪﺓ ﻣﻜﺎﻧﺘﺶ ﻣﺄﻣﻨﺔ ﺑﻠﻲ ﻏﺪﻱ ﻧﺠﻴﺐ ﻟﺒﺎﻙ ﻣﻲ
ﻣﺎﻣﺸﻴﺖ ﺣﺘﺎ ﺧﺪﻳﺘﻮ.ﻭﺍﻟﺪﺭﻳﺔ ﻣﻨﺠﺤﺎﺗﺶ ﻓﻲ
ﺍﻟﺒﺎﻙ ﺣﻴﺖ ﻣﺠﺎﺗﺶ ﻣﻌﺎﻳﺎ ﻓﻲ ﻧﻔﺲ ﺍﻟﻘﺎﻋﺔ ﺍﻣﺎ
ﻭﺍﺧﺎ ﻧﻌﺮﻑ ﻧﻌﻄﻴﻬﺎ ﻭﺭﻗﺘﻲ ﻭ ﻧﻌﺎﻭﺩ ﻧﻜﺘﺐ ﻭﺣﺪﺓ
.ﺧﺮﻯ
ﻟﻤﻬﻢ ﺑﻌﺪﻣﺎ ﺩﻭﺯﻧﺎ ﺍﻟﻮﻃﻨﻲ ﺍﻧﺎ ﺍﻟﺤﻤﺪ ﺍﻟﻠﻪ ﻧﺠﺤﺖ
ﻭ ﻫﻲ ﻋﻄﺎﻭﻫﺎ ﺍﺳﺘﺪﺭﺍﻛﻴﺔ ﻭ ﺣﺘﺎ ﻫﻲ ﻣﺪﺍﺭﺕ ﻓﻴﻬﺎ
ﻭﺍﻟﻮ ﻭﺳﻘﻄﺎﺕ ﻣﻦ ﺑﻌﺪ ﺑﻘﻴﻨﺎ ﻛﻨﻬﻀﺮﻭ ﻓﻲ
ﺍﻟﺘﻠﻔﻮﻥ ﻭ ﻛﻨﺘﻜﻮﻧﻴﻜﻄﺎﻭ.ﻓﻲ ﺍﻟﻌﻄﻠﺔ ﻫﻲ ﻣﺸﺎﺕ
ﻟﺨﺮﻳﺒﻜﺔ ﻭﺍﻧﺎ ﺍﻭﻝ ﺣﺎﺟﺔ ﺩﺭﺕ ﺗﻘﻴﺪﺕ ﻓﻲ
ﺍﻟﺴﻮﻧﻄﺮ ﺩﻳﺎﻝ ﻛﻮﻣﻴﺮﺱ ﻣﻦ ﺑﻌﺪ ﻣﺸﻴﺖ
ﻟﻤﺮﺍﻛﺶ ﺣﻴﺖ ﻛﻨﺖ ﻣﻌﺮﻭﺽ ﻟﻮﺍﺣﺪ ﻟﻌﺮﺱ ﺗﻤﺎ
ﻓﻲ ﺍﻟﻌﺮﻭﺑﻴﺔ ﻋﺮﻓﺘﻮ ﻣﻠﻲ ﻣﺸﻴﺖ ﺗﻤﺎ ﺩﻭﻙ
ﺍﻟﺪﺭﻳﺎﺕ ﺑﻨﺎﺕ ﻟﻌﺮﻭﺑﻴﺔ ﻣﻠﻲ ﻛﻴﺸﻮﻓﻮ ﺷﻲ ﺑﺮﺍﻧﻲ
ﺧﺼﻮﺻﺎ ﺍﻟﻰ ﻛﺎﻥ ﻭﻟﺪ ﻛﺎﺯﺍ ﺑﺤﺎﻻ ﺷﺎﻓﻮ ﺗﻮﻡ ﻛﺮﻭﺯ
ﻫﻬﻬﻬﻬﻪ ﻭﺍﻟﻨﺼﺎﺭﺓ ﻭ ﻣﻠﻔﻴﻦ ﺑﻬﻢ ﻛﻴﺠﻴﻮﻫﻢ ﻋﺎﺩﻱ
ﻳﻮﻡ ﻟﻲ ﺩﻭﺯﺕ ﺗﻤﺎ ﺍﻟﺘﻴﻠﻴﻔﻮﻥ ﺩﻳﺎﻟﻲ 12 ﺩﻳﻚ
ﻣﻜﻨﺶ ﻛﻴﺴﻜﺖ ﺣﻴﺖ ﺍﻟﺪﺭﻳﺔ ﻟﻲ ﻋﻨﺪﻫﺎ ﻟﻌﺮﺱ
ﻛﺎﻧﺖ ﻋﻨﺪﻫﺎ ﻧﻤﺮﺗﻲ ﻫﻲ ﺑﻨﺖ ﺑﻨﺖ ﺧﺎﻟﺘﻲ ﻟﻤﻬﻢ
ﺧﺪﺍﻭ ﻧﻤﺮﺓ ﻣﻦ ﻋﻨﺪﻫﺎ ﻭﺗﻔﺮﻗﺎﺕ ﻋﻠﻴﻬﻢ ﻛﻠﻬﻢ
ﺑﻐﺎﻭﻧﻲ.ﻫﻬﻬﻬﻬﻪ ﺍﻭﺍ ﺧﻮﻛﻢ ﻣﻊ ﻃﺎﻳﺢ ﻭ ﺩﺍﺧﻠﺔ
ﻟﻘﻠﺒﻮ ﻭﺣﺪﺓ ﺧﺮﻯ ﻭ ﻣﺨﻠﺺ ﻟﻴﻬﺎ ﻣﺪﻳﺘﻬﺎﺵ ﻓﻴﻬﻢ
ﻭﺍﻟﺪﺭﺍﺭﻱ ﻟﻲ ﺗﻌﺎﺷﺮﺕ ﻣﻌﺎﻫﻢ ﺗﻤﺎ ﻛﻴﺤﺴﺎﺏ
ﻟﻴﻬﻢ ﺍﻧﺎ ﻏﻴﺮ ﺑﺎﺭﺩ ﺯﻋﻤﺎ ﺑﻘﺎﻭ ﻣﻄﻠﻌﻴﻨﻬﺎ ﻋﻠﻴﺎ ﻣﻲ ﺍﻧﺎ
ﻣﺘﺴﻮﻗﺘﺶ ﺩﺭﺕ ﻟﻴﻬﻢ ﺍﻟﺴﺒﺔ ﺑﻠﻲ ﻭﺍﺧﺎ ﻧﻄﻴﺢ ﻣﻊ
ﺷﻲ ﻭﺣﺪﺓ ﺭﺍ ﻣﻐﺪﻳﺶ ﻧﻄﻮﻝ ﻣﻌﺎﻫﺎ ﺣﻴﺖ ﺍﻧﺎ ﻏﻴﺮ
ﺷﻲ ﻳﺎﻣﺎﺕ ﻭ ﻧﻤﺸﻲ ﻓﺤﺎﻟﻲ ﻭﻟﻜﻦ ﻫﻤﺎ ﻋﻨﺪﻫﻢ
ﺭﺍﻱ ﺍﺧﺮ ﻗﺎﻟﻮ ﻟﻴﺎ ﺗﻤﺎﻟﻚ ﻏﺘﺰﻭﺝ ﺑﻴﻬﺎ ﻛﻮﻝ ﻏﻴﺮ
ﺑﻄﺒﻴﻌﺔ ﻟﺤﺎﻝ ﺍﻧﺎ ﻣﻜﻨﺘﺶ 9 6 ﻟﺤﻠﻮﻯ ﻭﻗﻠﺐ
ﻛﻨﻔﻜﺮ ﺑﺤﺎﻝ ﻫﺎﻛﺎ.ﻣﻦ ﺑﻌﺪ ﺑﺪﻳﺖ ﻛﻨﻬﻀﺮ ﻣﻊ
ﻭﺣﺪﺓ ﻓﻴﻬﻢ ﻏﻴﺮ ﺑﺎﻟﻤﻴﺴﺎﺟﺎﺕ ﻣﻲ ﺑﺎﺵ ﻣﻨﺒﺎﻧﺶ
ﻛﻨﻴﺶ ﻗﺪﺍﻣﻬﻢ ﻣﻦ ﺑﻌﺪ ﻣﻠﻲ ﻃﻠﻌﺖ ﻟﻤﺪﻳﻨﺔ ﻗﻠﺒﺖ
ﻭﺟﻬﻲ ﻋﻠﻰ ﺩﻳﻚ ﺍﻟﻨﻤﺮﺓ.ﺻﺎﻓﻲ ﺩﺍﺯ ﺩﺍﻙ
ﻟﻔﺎﻛﻮﻧﺺ ﻭ ﺟﻴﺖ ﻓﺤﺎﻟﻲ ﻟﻜﺎﺯﺍ ﺅ ﺑﻘﺎﻭ ﺷﻲ
ﺩﺭﻳﺎﺕ ﻛﻲ ﻋﻴﻄﻮ ﻟﻴﺎ ﻣﻦ ﻏﻴﺮ ﺩﻭﻙ ﻟﻲ ﻓﻲ
ﺍﻟﻌﺮﻭﺑﻴﺔ ﻫﺎﺩﻭ ﺑﻨﺎﺕ ﻟﻤﺪﻳﻨﺔ ﻧﻌﻢ ﺍﺳﻲ ﻫﻬﻬﻬﻬﻪ
ﻟﻤﻬﻢ ﻣﻄﻮﻟﺘﺶ ﻣﻌﺎﻫﻢ ﻏﻴﺮ ﻛﺘﻘﻮﻟﻴﺎ ﺭﺍﻙ ﻋﺠﺒﺘﻴﻨﻲ
ﻛﻨﻘﻮﻟﻴﻬﺎ ﺍﻧﺎ ﺭﺍ ﻣﺰﻭﺝ ﻣﻲ ﻫﻤﺎ ﺟﺎﺑﺪﻳﻦ ﻟﻴﺎ
ﺍﻟﻀﻮﺳﻲ ﻋﺎﺭﻓﻴﻨﻲ ﺑﺎﻗﻲ ﺯﻭﻓﺮﻱ ﻫﻬﻬﻬﻪ.ﻭﺍﺧﺎ
.ﻫﻜﺎﻙ ﻣﺼﻮﺭﻭ ﻭﺍﻟﻮ ﺑﻘﺎﻭ ﺣﺘﺎ ﻧﻴﺴﻮ ﻭ ﻧﺴﺎﻭﻧﻲ
ﺩﺍﺯ 8 ﻟﻤﻬﻢ ﺑﺪﻳﺖ ﻟﻘﺮﺍﻳﺎ ﻓﻲ ﺍﻟﺴﻮﻧﻄﺮ ﻓﻲ ﺷﻬﺮ
ﺑﺪﺍ ﻓﻴﻪ ﺍﻟﺤﺪﺙ 10 ﻣﺰﻳﺎﻥ ﻭ ﺷﻬﺮ 9 ﺷﻬﺮ
ﺍﻟﺪﺭﺍﻣﻲ ﻭ ﻫﻨﺎ ﻓﻴﻦ ﻏﺪﻱ ﻧﻔﻘﺪ ﺍﻟﻠﺬﺓ ﺩﻳﺎﻝ ﺍﻟﺤﻴﺎﺓ
...ﻭﻏﺪﻱ ﻧﻀﺮﺏ ﺍﻟﺪﻧﻴﺎ ﺑﻄﺎﻟﻮﻥ
ﺑﺪﺍﺕ ﻟﻮﻟﻴﺪﺓ ﻛﺘﺠﺒﺪ ﻟﻴﺎ ﻟﻔﻜﺮﺓ ﺩﻳﺎﻝ ﺍﻟﺰﻭﺍﺝ ﻭﺍﻧﺎ
ﻗﻠﺖ ﻟﻴﻬﺎ ﻻ ﻗﻠﺖ ﻟﻴﻬﺎ ﺍﻧﺎ ﺑﺎﻗﻲ ﺑﺎﻏﻲ ﻧﻘﺮﺍ ﻛﻨﺖ
ﻓﻲ ﺍﻻﻭﻝ ﺑﺎﻏﻲ ﻧﺪﻳﺮ ﻛﻠﻴﺔ ﻭ ﻧﻘﺮﺍ ﺍﻻﻧﺠﻠﻴﺰﻳﺔ ﻣﻲ
ﻣﻠﻲ ﺣﺴﻴﺖ ﺑﺎﻟﻮﻟﻴﺪﺓ ﻣﻐﺘﻘﺪﺭﺵ ﺗﺼﺒﺮ ﻋﻠﻴﺎ ﻛﺘﺮ
.ﻗﻠﺒﺘﻬﺎ ﺳﻮﻧﻄﺮ
ﻟﻤﻬﻢ ﺑﻘﺎﺕ ﻛﺘﻠﺢ ﻋﻠﻴﺎ ﻭﺍﻧﺎ ﻧﻘﻮﻟﻴﻬﺎ ﺑﻠﻲ ﺍﻧﺎ ﺑﺎﻏﻲ
ﻭﺍﺣﺪ ﺍﻟﺒﻨﺖ ﻗﺮﺍﺕ ﻣﻌﺎﻳﺎ ﻣﻲ ﺑﻐﻴﺖ ﺣﺘﺎ ﻧﺨﺪﻡ
ﺣﻴﺚ ﻛﻨﺖ ﻋﺎﺭﻑ ﻋﺎﺋﻠﺘﻬﺎ ﺍﺵ ﺑﺎﻏﻴﻦ
ﻗﺎﻟﺖ ﺍ ﻭﻟﺪﻱ ﺍﻧﺎ ﻣﺒﻘﺎ ﻋﻨﺪﻱ ﻟﻴﻚ ﺟﻬﺪ ﻭﻭﻭﻭﻭﻭ
ﺭﺍﻛﻢ ﻋﺎﺭﻓﻴﻦ ﻟﻬﻀﺮﺓ ﺩﻳﺎﻝ ﺍﻟﻮﻟﻴﺪﻳﻦ ﻗﺎﻟﺖ
ﻧﻤﺸﻴﻮ ﻧﺸﻮﻓﻮ ﻟﻴﻚ ﺩﻳﻚ ﻟﺒﻨﺖ ﺍﻧﺎ ﻓﻲ ﺍﻻﻭﻝ
ﻗﻠﺖ ﻣﻊ ﺭﺍﺳﻲ ﻳﻘﺪﺭﻭ ﻳﻮﺍﻓﻘﻮ ﺣﻴﺖ ﻟﻮﻟﻴﺪﺓ
ﻋﻨﺪﻱ ﻛﺘﻌﺮﻑ ﺗﻬﻀﺮ ﻭﺗﻘﻨﻊ ﺑﻨﺎﺩﻡ ﻭﻗﻠﺖ ﺣﺘﺎ
ﺍﻟﻰ ﻣﻮﺍﻓﻘﻮﺵ ﺍﻟﺪﺭﻳﺔ ﻣﻐﺎﺩﺍﺵ ﺗﺨﻠﻰ ﻋﻠﻴﺎ ﺣﻴﺖ
ﺷﺤﺎﻝ ﻣﻦ ﻭﺍﺣﺪ ﺟﺎ ﺑﻐﺎ ﻳﺨﻄﺒﻬﺎ ﻭ ﻣﻜﺘﻮﺍﻓﻘﺶ
ﻟﻤﻬﻢ ﻫﻀﺮﺓ ﻟﻮﻟﻴﺪﺓ ﻣﻊ ﺍﻟﺪﺭﻳﺔ ﻭ ﺳﻮﻻﺗﻬﺎ ﻗﺎﻟﺖ
ﻟﻴﻬﺎ ﻭﺍﺵ ﺑﻐﻴﺘﻲ ﺗﺰﻭﺟﻲ ﺑﻴﻪ ﻗﺎﻟﺖ ﻟﻴﻬﺎ ﺍﻩ ﻭ
ﻗﺎﻟﺖ ﻟﻴﻬﺎ ﺑﺎﺵ ﺗﻘﻮﻟﻬﺎ ﻟﺪﺍﺭﻫﻢ ﻭﺗﻘﻮﻟﻴﻬﻢ ﺭﺍ
ﻏﺪﻳﻦ ﻧﺠﻴﻮ ﻋﻨﺪﻛﻢ ﻧﻬﺎﺭ ﻓﻼﻧﻲ.ﻟﻤﻬﻢ ﻣﺸﻴﻨﺎ
2014 10 ﻓﻲ ﺷﻬﺮ 11 ﺑﺎﻟﻀﺒﻂ ﻧﻬﺎﺭ
12:00 ﻭﺑﺎﻟﺴﺒﺖ ﻣﻊ ﺩﻳﻚ
ﻣﺸﺎﻭ ﻣﻌﺎﻧﺎ ﺷﻲ ﻧﺎﺱ ﻣﻦ ﺍﻟﺠﻴﺮﺍﻥ ﺩﻳﻨﺎ ﺩﺍﻙ
ﺍﻟﺸﻲ ﻟﻲ ﻗﺴﻢ ﺍﻟﻠﻪ ﺭﺍﻛﻢ ﻋﺎﺭﻓﻴﻦ ﺍﻟﻌﺎﺩﺍﺕ ﻭﺩﺍﻙ
ﺷﻲ ﻭﺻﻠﻨﺎ ﺩﻗﻴﻨﺎ ﻟﺒﺎﺏ ﻛﻲ ﺧﺮﺝ ﻟﻴﻨﺎ ﺑﺎﻫﺎ ﺳﻼﻡ
ﺳﻼﻡ ﺟﻴﻨﺎ ﻃﺎﻟﺒﻴﻦ ﺿﻴﻒ ﺍﻟﻠﻪ ﻭﻭﻭﻭﻭ ﻫﻮ ﻗﺎﻝ ﻟﻴﻨﺎ
... ﻣﺮﺣﺒﺎ ﺑﻀﻴﻒ ﺍﻟﻠﻪ ﻭﻟﻜﻦ
ﻏﻴﺮ ﻓﻲ ﺍﻟﺰﻧﻘﺔ ﻛﺎﻥ ﻣﻦ ﻟﻤﻔﺮﻭﺽ ﺍﺩﺧﻠﻨﺎ ﻟﺪﺍﺭ ﻭ
ﻳﺴﺘﻘﺒﻠﻨﺎ ﻭﻟﻜﻦ ﺣﻴﺖ ﻫﻮ ﻭﻟﺪ ﺍﻟﺰﻧﻘﺔ ﺧﻼﻧﺎ ﻓﻲ
ﺍﻟﺰﻧﻘﺔ ﺍﻧﺎ ﺟﺎﻧﻲ ﺩﺍﻙ ﺍﻟﺸﻲ ﻋﺎﺩﻱ ﻭﻣﺘﺴﻮﻗﺘﺶ
ﺣﻴﺖ ﻣﻔﺎﻫﻢ ﻭﺍﻟﻮ ﺍﻟﺴﻴﺪ ﻟﻲ ﻛﺎﻥ ﻣﻌﺎﻧﺎ ﻗﺎﻝ ﻟﻴﻪ
ﻫﺎ ﺍﺵ ﻛﻴﻦ ﻭﻛﻴﻦ.ﻭﻛﺎﻥ ﺍﻟﺠﻮﺍﺏ ﻗﺎﻟﻴﻨﺎ ﺍﻟﺪﺭﻳﺔ
ﻣﺎﺑﺎﻏﺎﺵ ﺗﺰﻭﺝ ﻭ ﺑﺎﻗﺎ ﺑﺎﻏﺎ ﺗﻜﻤﻞ ﻗﺮﺍﻳﺘﻬﺎ ﺍﻧﺎ ﻓﻲ
ﺻﺮﺍﺣﺔ ﻣﻘﺪﻳﺘﺶ ﻧﻬﻀﺮ ﻣﻔﻬﻤﺖ ﻭﺍﻟﻮ ﺑﺎﻏﻲ
ﻧﻬﻀﺮ ﻣﻲ ﺗﺰﻳﺰﻧﺖ ﺍﻭ ﺗﺎ ﻛﻔﺎﺵ ﺍﻟﺴﻴﺪ ﻗﺪ ﻫﻜﺎ ﻭ
ﻛﻴﻜﺬﺏ؟؟ﻟﻤﻬﻢ ﺍﻧﺎ ﻛﻨﺖ ﺩﺍﻳﺮ ﺣﺎﺟﺔ ﻭﺣﺪﺓ ﻓﺒﺎﻟﻲ
ﺑﻠﻲ ﺍﻟﺪﺭﻳﺔ ﻣﺎﻏﺎﺩﺍﺵ ﺗﺨﻠﻴﻨﻲ ﺣﻴﺖ ﻭﻋﺪﺍﺗﻨﻲ ﻣﻲ
ﻫﺎﺩ ﺍﻟﺸﻲ ﻛﻴﻜﻮﻥ ﻏﻴﺮ ﻓﻲ ﺍﻻﻓﻼﻡ ﻭ
.ﺍﻟﻤﺴﻠﺴﻼﺕ
ﺟﻴﻨﺎ ﻓﺤﺎﻟﻨﺎ ﻟﺪﺍﺭ ﻭﺩﺍﻙ ﺍﻟﺴﻴﺪ ﻟﻲ ﻛﺎﻥ ﻣﻌﺎﻧﺎ...
ﺟﺎﻱ ﻭ ﻛﻲ ﻟﻌﻦ ﻓﻴﻪ ﺣﻴﺖ ﺑﻘﺎ ﻓﻴﻪ ﻟﺤﺎﻝ ﻭﻫﺬﻱ
ﺣﺎﺟﺔ ﻃﺒﻴﻌﻴﺔ ﺍﻱ ﻭﺍﺣﺪ ﻣﻐﺪﻳﺶ ﺍﻋﺠﺒﻮ ﻟﺤﺎﻝ ﺑﺎﺵ
ﻳﺴﺘﻘﺒﻠﻚ ﻭﺍﺣﺪ ﻓﻲ ﺍﻟﺰﻧﻘﺔ ﺑﺪﻳﻚ ﺍﻟﻄﺮﻳﻘﺔ ﺭﺍ
ﺻﻌﻴﺒﺔ ﺷﻮﻳﺔ ﻟﻤﻬﻢ ﺍﻧﺎ ﺟﺎﻱ ﻣﺪﻭﻳﺘﺶ ﻭ ﻛﻨﺼﻴﻔﺖ
ﻟﻴﻬﺎ ﻓﻲ ﺍﻟﻤﺴﺎﺟﺎﺕ ﻛﻨﻘﻮﻟﻴﻬﺎ ﺍﺵ ﺩﻳﻚ ﻟﺤﺎﻟﺔ ﺩﺍﺭ
ﻟﻴﻨﺎ ﺑﺎﻙ ﻭﻭﻭ ﻗﺎﻟﺖ ﻟﻴﺎ ﺭﺍ ﻧﺘﻮﻣﺎ ﻟﻲ ﺟﺎﻳﻴﻦ
ﻫﺎﺟﻤﻴﻦ؟؟ ﻳﺎﻙ ﺍﻻﻟﺔ ﺻﺎﻓﻲ ﺳﻜﺖ ﻣﺒﻘﻴﺘﺶ
ﺻﻴﻔﺖ ﻟﻴﻬﺎ ﺷﻲ ﻭﺯﺓ.ﻣﻠﻲ ﻓﺘﻨﺎ ﺩﺍﺭﻫﻢ ﻭﺍﺣﺪ
ﺷﻮﻳﺔ ﻃﻼﻗﻴﻨﺔ ﻣﻊ ﻭﺍﺣﺪ ﺍﻟﺴﻴﺪ ﻛﻌﺮﻓﻨﺎ ﻭﻛﻨﻌﺮﻓﻮﻩ
ﻫﻮ ﻋﻨﺪﻭ ﺍﺳﺘﻮﺩﻳﻮ ﻭﻛﺎﻧﺖ ﺟﺎﺑﺘﻮ ﻟﻮﻟﻴﺪﺓ ﻓﻲ
ﺍﻟﺘﺴﻌﻴﻨﺎﺕ ﻓﻲ ﺍﻟﻄﻬﺎﺭﺓ ﺩﻳﺎﻟﻲ ﺍﻭﻝ ﻣﺮﺓ ﻏﺪﻱ
ﺩﺧﻞ ﻓﻴﻬﺎ ﺍﻟﻜﺎﻣﻴﺮﺍ ﻟﺴﻴﻜﺘﻮﺭ ﻋﻨﺪﻧﺎ ﻫﻬﻬﻬﻬﻬﻪ
ﻟﻤﻬﻢ ﻣﺎ ﻋﻠﻴﻨﺎ ﻋﺎﻭﺩﻧﺎ ﻟﻴﻪ ﺍﻟﻨﺰﻳﻠﺔ ﻣﻦ ﻃﺎﻕ ﻃﺎﻕ
ﺣﺘﻰ ﺍﻟﺴﻼﻡ ﻋﻠﻴﻜﻢ ﻭﺍﻟﺼﺪﻓﺔ ﻫﺎﺩ ﺍﻟﺴﻴﺪ ﺻﺪﻕ
ﻣﺮﺍﺿﻊ ﻣﻌﺎﻩ ﻫﻬﻪ ﻋﺮﻓﺘﻲ ﻣﻠﻲ ﺳﻤﻊ ﺩﺍﻙ ﺍﻟﺸﻲ
ﺑﻘﺎ ﻛﻴﺴﺐ ﻓﻴﻪ ﻭ ﻳﻠﻌﻦ ﻓﻴﻪ ﻫﻮ ﺷﻲ ﺭﺟﺎﻝ ﻛﺒﺎﺭ
ﻛﺎﻧﻮ ﻣﻌﺎﻩ ﺣﻴﺖ ﻋﺎﺭﻓﻴﻦ ﻫﺎﺩ ﺍﻟﺸﻲ ﻟﻲ ﺩﺍﺭ ﻣﺸﻲ
ﺻﻮﺍﺏ ﻭ ﺩﺍﻙ ﺍﻟﻤﺼﻮﺭ ﻛﻴﻌﺮﻓﻨﺎ ﻣﺰﻳﺎﻥ ﻗﺎﻝ
ﻟﻮﻟﻴﺪﺓ ﺩﺍﺑﺎ ﻧﻬﻀﺮ ﻣﻌﺎﻩ ﻭﻧﻘﻮﻟﻴﻜﻢ ﺍﺵ ﻛﻴﻦ ﻣﻦ
ﺑﻌﺪ ﺩﺍﺯﻭ ﺷﻲ ﻳﺎﻣﺎﺕ ﻭﺣﻨﺎ ﻧﻌﻴﻄﻮ ﻟﻴﻪ ﻗﺎﻝ ﻟﻮﻟﻴﺪﺓ
ﻏﻴﺮ ﻗﻠﺒﻲ ﻟﻴﻪ ﻋﻠﻰ ﺷﻲ ﺑﻨﺖ ﺍﻟﻨﺎﺱ ﻫﺎﺩ ﺍﻟﺴﻴﺪ
ﻣﻴﺼﻼﺣﺶ ﻟﻴﻪ.ﺍﻧﺎ ﻭﺍﺧﺎ ﻫﻜﺎﻙ ﻣﺒﻐﻴﺘﺶ ﻗﻠﺖ
ﻓﺨﺎﻃﺮﻱ ﻣﻨﻬﺎ ﻫﻲ ﻧﺨﻼﻕ ﺻﺎﻓﻲ ﻟﻮﻟﻴﺪﺓ ﻧﻴﺴﺎﺕ
ﻣﻨﻬﺎ ﺑﺪﺍﺕ ﻛﺘﻘﻠﺐ ﻓﻲ ﺟﻮﻳﻪ ﺍﺧﺮﻳﻦ ﻭﺍﻧﺎ ﺑﻘﻴﺖ
ﻛﻨﻬﻀﺮ ﻣﻌﺎﻫﺎ ﻓﻲ ﺍﻟﺘﻴﻠﻴﻔﻮﻥ ﻭﺩﻳﻤﺎ ﻛﻨﺴﻮﻟﻬﺎ ﺍﺷﻨﻮ
ﺩﺭﺗﻲ ﻭﺍﺵ ﻗﺪﺭﺗﻲ ﺗﻘﻨﻌﻲ ﺩﺍﺭﻛﻢ ﻭﺍﺵ ﻭﺍﺵ
ﻭﻟﻜﻦ ﻫﻲ ﺩﻳﻤﺎ ﻛﺘﺠﺎﻭﺑﻨﻲ ﺑﻨﻔﺲ ﺍﻟﺠﻮﺍﺏ ﺍﻧﺎ
ﻣﻌﻨﺪﻱ ﻣﻨﺪﻳﺮ ﻛﺘﻘﻮﻟﻴﺎ ﺑﻠﻲ ﺍﻧﺎ ﻟﻲ ﺧﺎﺻﻨﻲ ﻧﻬﻀﺮ
.ﻣﻊ ﺑﺎﺑﺎﻫﺎ
ﺩﺍﺑﺎ ﺩﺧﻠﻨﺎ ﻋﻠﻴﻜﻢ ﺑﺎﻟﻠﻪ ﻫﻮ ﺭﺍﺟﻞ ﻛﺒﺮ ﻣﻨﻮ ﻭﺍﻟﻨﺎﺱ
ﻟﻲ ﻛﺎﻧﻮ ﻣﻌﺎﻧﺎ ﻣﺤﺘﺎﺭﻣﻬﻤﺶ ﻓﻤﺎ ﺑﺎﻟﻚ ﺍﻧﺎ ﻟﻲ
ﺑﺎﻗﻲ ﻻﺻﻖ ﻓﻲ ﻟﺮﺽ..ﻗﻠﺖ ﻻ ﺍﻧﺎ ﺩﺭﺕ ﻟﻲ ﻋﻠﻴﺎ
ﺟﻴﺖ ﺩﻗﻴﺖ ﻟﺒﺎﺏ ﺍﻟﻰ ﺩﺭﺕ ﺷﻲ ﺣﺎﺟﺔ ﻣﻦ ﻏﻴﺮ
ﻫﺎﺩ ﺷﻲ ﻏﺪﻱ ﻧﻮﻟﻴﻮ ﻓﺸﺪ ﻟﻴﺎ ﻧﻘﻄﻊ ﻟﻴﻚ.ﺍﻧﺎ ﻓﻴﺎ
ﻣﻨﻤﺸﻲ ﻧﻬﻀﺮ ﻣﻌﺎﻩ ﻣﻲ ﻋﺎﺭﻑ ﺍﺷﻨﻮ ﻏﺪﻱ ﻳﻮﻗﻊ
ﻏﺪﻱ ﻳﻘﻮﻟﻴﺎ ﺷﻲ ﻛﻠﻤﺔ ﻣﺎﺷﻲ ﻫﻲ ﻫﺬﻳﻚ ﺍﻧﺎ
ﻣﻐﺪﻳﺶ ﻧﺼﺒﺮ ﻟﻴﻪ.ﻭﻏﺪﻱ ﻳﺠﻴﺒﻬﺎ ﻏﻴﺮ ﻓﺮﺍﺳﻮ
ﺣﻴﺖ ﺣﻨﺎ ﻟﺤﻤﺪ ﺍﻟﻠﻪ ﻋﻨﺪﻧﺎ ﻛﺎﻟﺔ ﺻﺤﻴﺤﺔ ﻓﻲ
ﺍﻟﻌﺎﺋﻠﺔ ﻭﻟﺪ ﺧﺎﻝ ﻟﻮﻟﻴﺪﺓ ﻛﻮﻟﻮﻧﻴﻞ ﺑﺘﻴﻠﻴﻔﻮﻥ
.ﻳﻐﺒﺮﻟﻤﻮ ﺷﻘﻒ
ﻟﻤﻬﻢ ﺑﻘﺎﺕ ﻟﻘﻀﻴﺔ ﻛﻤﺎ ﻫﻜﺎﻙ ﻭﺍﻧﺎ ﻣﺮﺿﺖ ﻓﻲ
ﺭﺍﺳﻲ ﻣﺒﻘﻴﺘﺶ ﻛﻨﺸﻮﻑ ﻧﻌﺎﺱ ﻟﻘﺮﺍﻳﺎ ﻣﺒﻘﻴﺘﺶ
ﻣﺴﻮﻕ ﻟﻴﻬﺎ ﻣﻠﻲ ﻛﻨﺪﺧﻞ ﺍﻟﺼﺎﻝ ﻭﺍﻧﺎ ﻏﻴﺮ ﻛﻨﺨﻤﻢ
ﻭﻣﻠﻲ ﻛﻨﻬﻀﺮ ﻣﻌﺎﻫﺎ ﻫﻲ ﻛﺘﻘﻮﻟﻴﺎ ﻧﺒﻘﺎﻭ ﻏﻴﺮ
ﻣﺼﺎﺣﺒﻴﻦ ﺍﻧﺎ ﻣﻜﺮﻫﺘﺶ ﻭﻟﻜﻦ ﻟﻮﻟﻴﺪﺓ ﻓﺮﻋﺎﺕ ﻟﻴﺎ
ﺩﻳﺎﻝ ﺍﻟﺪﺭﻳﺎﺕ ﻭﻛﻞ 6 ﺭﺍﺳﻲ ﻭ ﺧﻄﺒﺎﺕ ﻟﻴﺎ ﺷﻲ
ﻭﺣﺪﺓ ﻛﻨﺪﻳﺮ ﻟﻴﻬﺎ ﺍﻟﺴﺒﺔ ﺑﺎﺵ ﻣﻨﺨﺪﻫﺎﺵ ﻭﺣﺪﺓ
ﻓﻴﻬﻢ ﺍﺳﺘﺎﺫﺓ ﻣﻠﻘﻴﺘﺶ ﻟﻴﻬﺎ ﺷﻲ ﺳﺒﺔ ﺻﺎﻓﻲ ﻗﻠﺖ
ﻫﺪﻱ ﻫﻲ ﺍﻟﻠﺨﺮﺓ ﻟﻴﺎ ﻣﺸﻴﻨﺎ ﻟﺪﺍﺭﻫﻢ ﺑﻼ ﺑﻼ ﺑﻼ
ﺍﻧﺎ ﻏﻴﺮ ﺳﺎﻛﺖ ﻭ ﻛﻨﺸﻮﻑ. ﺍﻟﺒﻨﺖ ﺻﺮﺍﺣﺔ
ﻣﺎﺑﻴﻬﺎﺵ ﻓﺎﻳﺘﺎﻧﻲ ﺑﻌﺎﻣﻴﻦ ﻭ ﻫﻲ ﺑﻐﺎﺗﻨﻲ ﻭ ﺣﺘﺎ
ﻭﺍﻟﻴﺪﻳﻬﺎ ﺑﻐﺎﻭﻧﻲ ﻭﺍﺧﺎ ﺑﺎﻗﻲ ﻛﻨﻘﺮﺍ ﺣﻴﺖ ﻟﻮﻟﻴﺪﺓ
...ﻗﺎﻟﺖ ﺑﻠﻲ ﻏﺘﺼﺮﻑ ﻋﻠﻴﻨﺎ
ﻟﻤﻬﻢ ﺟﻴﻨﺎ ﻣﻦ ﻋﻨﺪ ﺩﻭﻙ ﺍﻟﻨﺎﺱ ﺑﻄﺒﻴﻌﺔ ﻟﺤﺎﻝ ﺍﻧﺎ
ﻣﺎﻋﺠﺒﻨﻴﺶ ﻟﺤﺎﻝ ﺣﻴﺖ ﻟﺨﺮﺍ ﺩﺍﺕ ﻟﻴﺎ ﻗﻠﺒﻲ
.ﻣﻘﺪﺭﺗﺶ ﻧﻔﻀﻞ ﻋﻠﻴﻬﺎ ﺷﻲ ﻭﺣﺪﺓ
ﺑﻘﻴﺖ ﻛﻨﻬﻀﺮ ﻣﻌﺎﻫﺎ ﻣﻲ ﻣﻜﻴﺘﺒﺪﻝ ﻭﺍﻟﻮ ﻧﻔﺲ
ﻟﻤﻮﺿﻮﻉ ﻧﻔﺲ ﺍﻻﺳﺌﻠﺔ ﻭﺍﻻﺟﻮﺑﺔ ﺻﺎﻓﻲ ﺍﻧﺎ
ﻣﺮﺿﺖ ﺣﻴﺎﺗﻲ ﺧﺴﺮﺍﺕ ﻣﺒﻘﻴﺖ ﻣﺴﻮﻕ ﻟﺤﺘﺎ ﺷﻲ
ﺣﺎﺟﺔ ﻧﻌﺎﺱ ﻣﺒﻘﻴﺘﺶ ﻛﻨﺸﻮﻓﻮ ﺅ ﺣﺘﺎ ﻏﺎﻉ ﺍﻟﻰ
ﻧﻌﺴﺖ ﻛﺎﻧﺖ ﻛﻀﺮﺑﻨﻲ ﻟﻔﻴﻘﺔ ﺑﺎﻟﻠﻴﻞ ﺣﻴﺖ ﻛﻨﺖ
ﻛﻨﺴﻤﻊ ﺷﻲ ﺑﻨﺖ ﻛﺘﻌﻴﻂ ﺑﺴﻤﻴﺘﻲ ﻭ ﻛﺘﺸﺪﻧﻲ
ﻣﻦ ﻛﺘﻔﻲ ﺑﺤﺎﻝ ﻣﻠﻲ ﻛﺘﺒﻐﻲ ﺗﻔﻴﻖ ﺷﻲ ﺣﺪ
ﻧﺎﻋﺲ؟ﺗﻤﺎﻣﺎ ﻭ ﻛﻨﻔﻴﻖ ﻭﺍﻟﻠﻪ ﺍﺧﻮﺗﻲ ﺍﻟﻰ ﺩﺍﻙ ﺷﻲ
ﺑﺤﺎﻻ ﺑﺼﺢ ﻣﻠﻲ ﻛﻨﻔﻴﻖ ﻣﻜﻨﻠﻘﺎ ﺣﺘﺎ ﺷﻲ ﺣﺪ
ﻛﻨﺒﺪﻯ ﻧﻘﺮﺍ ﻓﻲ ﺍﻟﻘﺮﺍﻥ ﺑﻘﻴﺖ ﺷﺤﺎﻝ ﻣﻦ ﺷﻬﺮ
ﻋﻠﻰ ﺩﻳﻚ ﻟﺤﺎﻟﺔ .ﻟﻮﻟﻴﺪﺓ ﻟﺤﺪ ﻛﺘﺎﺑﺔ ﻫﺬﻩ ﺍﻻﺳﻄﺮ
.ﻣﻌﺎﺭﻓﺎﺵ ﺍﺵ ﻛﺎﻥ ﻛﻴﻮﻗﻊ ﻟﻴﺎ
ﻛﻨﺖ ﻓﻲ ﻳﺎﻣﺎﺕ ﺍﻟﻠﻴﺴﻲ ﻓﻴﻨﻤﺎ ﻛﻴﻘﻮﻟﻴﺎ ﺷﻲ ﻭﺍﺣﺪ
ﺑﺤﺎﻝ ﻫﺎﺩ ﺍﻟﻌﻼﻗﺎﺕ ﻣﻜﺼﺪﻗﻮﺵ ﻛﻨﺖ ﻧﺠﺎﻭﺑﻮ
ﺑﺎﻟﻌﻜﺲ ﻭﻛﻨﺖ ﻛﻨﺪﺍﻓﻊ ﻋﻠﻰ ﺍﻟﺤﺐ ﻭﺣﺘﻰ ﻓﻲ
ﺍﻟﻘﺴﻢ ﻛﺎﻥ ﻭﺍﺣﺪ ﺍﻻﺳﺘﺎﺫ ﺩﻳﺎﻝ ﺍﻟﺘﺮﺑﻴﺔ ﺍﻻﺳﻼﻣﻴﺔ
ﻛﻬﻀﺮ ﻟﻴﻨﺎ ﻋﻠﻰ ﻫﺎﺩ ﺍﻟﻤﻮﺍﺿﻴﻊ ﺑﺰﺍﻑ ﻭ ﻛﻨﺖ
ﺩﻳﻤﺎ ﻛﻨﺘﻨﺎﻗﺶ ﻣﻌﺎﻩ ﺍﺻﻼ ﻛﺎﻥ ﻋﺎﺭﻑ ﻭ ﻏﺎﻉ
ﺍﻻﺳﺎﺳﻴﺪ ﻛﺎﻧﻮ ﻋﺎﺭﻓﻴﻦ ﻋﻼﻗﺘﻲ ﺑﺎﻟﺪﺭﻳﺔ ﻭﺣﺘﻰ
ﻟﻤﺪﻳﺮ ﺩﻳﺎﻝ ﺍﻟﻠﻴﺴﻲ ﻭ ﻣﻜﻨﺘﺶ ﻛﻨﻠﻘﺎ ﻣﻌﺎﻫﻢ
ﻣﺸﻜﻴﻞ.ﺣﻴﺖ ﻛﻨﺎ ﻣﺤﺘﺎﺭﻣﻴﻦ ﺭﺍﺳﻨﺎ ﻋﻜﺲ ﺷﻲ
ﻭﺣﺪﻳﻦ ﻟﻤﻬﻢ ﻓﺪﻳﻚ ﻟﻮﻗﺖ ﻛﺎﻧﻮ ﻳﻘﻮﻟﻮ ﻟﻴﺎ ﻧﻘﻄﻌﻮ
ﻟﻴﻚ ﺭﺟﻠﻴﻚ ﺗﺠﻴﻨﻲ ﻫﺎﻧﻴﺎ ﻏﻴﺮ ﻣﻴﻘﻮﻟﻮﺵ ﻟﻴﺎ ﻏﺪﻱ
.ﺗﻔﺎﺭﻕ ﻣﻌﺎﻫﺎ
ﻟﻤﻬﻢ ﻧﺮﺟﻌﻮ ﺍﻟﺪﺭﻳﺔ ﻟﻲ ﺍﺳﺘﺎﺫﺓ ﻣﻦ ﺑﻌﺪ ﻣﻠﻲ ﺟﻴﻨﺎ
ﻓﺤﺎﻟﻨﺎ ﺧﻠﻴﻨﺎ ﻟﻴﻬﻢ ﺍﻟﻜﺮﺓ ﺣﻨﺎ ﻛﻨﺎ ﻋﺎﺭﻓﻴﻦ ﺑﻠﻲ
ﻗﺎﺑﻠﻴﻦ ﻣﻲ ﺣﻴﺖ ﺟﺪﻫﺎ ﺑﺎﻗﻲ ﺣﻲ ﻛﺎﻥ ﺧﺎﺻﻬﻢ
ﻳﺘﺸﺎﻭﺭﻭ ﻣﻌﺎﻩ ﻭﻫﺎﺩ ﺟﺪﻫﺎ ﺻﺪﻕ ﺭﻭﻳﺠﻞ ﻫﻬﻬﻬﻪ
ﺩﺍﺭﻣﻌﺎﻳﺎ ﻟﻤﺰﻳﺎﻥ ﻭﻗﺎﻟﻴﻬﻢ ﺍﻧﺎ ﻣﺎﻣﻮﺍﻓﻘﺶ ﺣﻴﺖ
ﺍﻟﺪﺭﻱ ﺑﺎﻗﻲ ﺻﻐﻴﺮ ﻫﻬﻬﻪ ﺗﻬﻨﻴﺖ
ﻭﻫﺎﺩ ﺷﻲ ﻛﻮﻟﻮ ﻛﻨﺖ ﻛﻨﻌﺎﻭﺩﻭ ﻟﻴﻬﺎ ﻣﻲ ﻫﻲ
ﻣﻜﺎﻧﺖ ﻛﺪﻳﺮ ﻭﺍﻟﻮ ﻧﻲ ﺑﺎﻻ ﺗﻤﺸﻲ ﺗﺨﺮﺝ ﺩﻭﺭ
ﻭﺗﺴﺎﻓﺮ ﻭﺍﻧﺎ ﻣﺨﻠﻴﺎﻧﻲ ﻛﻨﺘﻌﺬﺏ ﻟﻤﻬﻢ ﺍﻧﺎ ﺑﺪﺍ
ﻛﻴﻄﻠﻊ ﻟﻴﺎ ﺍﻟﺪﻡ ﻭﻟﻴﺖ ﻏﻴﺮ ﻏﺪﻱ ﻭﻛﻨﺪﻋﻲ ﻋﻠﻰ
ﺑﺎﻫﺎ ﻭﻗﻠﺖ ﻟﻮﻟﻴﺪﺓ ﺻﺎﻓﻲ ﺩﻳﺮﻱ ﻟﻲ ﻋﺠﺒﻚ
ﻣﺒﻘﻴﺘﺶ ﻏﺎﺩﻱ ﻧﺪﺧﻞ ﻭﺣﺘﻰ ﻛﻨﻘﻮﻝ ﻏﺎﺩﻱ ﻧﺴﺎﻫﺎ
ﻣﻲ ﻣﻠﻲ ﻛﻨﻌﺲ ﻛﻴﻮﻗﻊ ﻟﻴﺎ ﻧﻔﺲ ﻟﺒﻼﻥ ﻭ ﻛﻨﺮﺟﻊ
...ﻧﻬﻀﺮ ﻣﻌﺎﻫﺎ
ﺻﺎﻓﻲ ﺣﺘﺎﻝ ﻭﺍﺣﺪ ﻧﻬﺎﺭ ﻗﻠﺖ ﻟﻴﻬﺎ ﺷﻮﻓﻲ ﺍﺑﻨﺖ
ﺍﻟﻨﺎﺱ ﻧﺘﻲ ﻭﻋﺪﺗﻴﻨﻲ ﻭ ﻣﻮﻓﻴﺘﻴﺶ ﺑﻮﻋﺪﻙ ﻗﺮﺭﺕ
ﺑﺎﺵ ﻧﺴﺎﻙ ﻭﺍﻟﻐﺮﻳﺐ ﻣﺎﻛﺎﻧﺶ ﺷﻲ ﺭﺩ ﻟﻔﻌﻞ ﺅﻻ
.ﺷﻲ ﺣﺎﺟﺔ ﺑﺤﺎﻝ ﻫﺎﻛﺎ ﺩﻏﻴﺎ ﻛﺘﻮﺍﻓﻖ
ﻗﻠﺖ ﻟﻴﻬﺎ ﻧﺘﻲ ﺗﺨﻠﻴﺘﻲ ﻋﻠﻴﺎ ﻣﻲ ﻫﻲ ﻛﺘﺤﺎﻭﻝ ﻏﻴﺮ
ﺩﻳﺮﻧﻲ ﺍﻧﺎ ﻟﻲ ﻏﺎﻟﻂ .ﺍﻩ ﻣﻦ ﻭﺍﺣﺪ ﺍﻟﻨﺎﺣﻴﺔ ﻋﻨﺪﻫﺎ
ﺍﻟﺼﺢ ﺍﻧﺎ ﻏﻠﻄﺖ ﻣﻠﻲ ﺑﻐﻴﺘﻬﺎ ﻣﻲ ﻫﻲ ﺿﺤﻜﺎﺕ
.ﻋﻠﻴﺎ
ﻭﻋﻴﺸﺎﺗﻨﻲ ﻓﻲ ﺍﻭﻫﺎﻡ ﺍﺻﻼ ﻋﻄﻴﺘﻬﺎ ﻛﺜﺮ ﻣﻦ
ﻗﻴﻤﺘﻬﺎ ﻛﺎﻥ ﻋﻠﻴﺎ ﻧﺪﻳﺮ ﻛﻤﺎ ﻛﻴﺪﻳﺮﻭ ﺍﻟﺪﺭﺍﺭﻱ ﻧﻜﻞ
ﻟﺤﻠﻮﻯ ﻭ ﻧﻠﻮﺡ ﺍﻟﻜﺎﻏﻂ ﻫﻬﻪ ﻣﻲ ﺍﻧﺎ ﺍﻟﺤﻤﺪ ﺍﻟﻠﻪ
ﻣﺘﺮﺑﻴﺘﺶ ﻋﻠﻰ ﻫﺎﺩ ﺷﻲ ﻭﺍﺧﺎ ﻛﻨﺖ ﻏﺪﻱ ﻧﻄﻴﺢ
ﻓﻴﻪ ﻣﻲ ﻛﻨﻠﻌﻦ ﺍﻟﺸﻴﻄﺎﻥ.ﺩﻳﻚ ﺍﻟﺴﻴﺪﺍ ﺍﻭﻝ ﻛﻠﻤﺔ
ﻗﻠﺖ ﻟﻴﻬﺎ ﻓﺎﺵ ﻫﻀﺮﺕ ﻣﻌﺎﻫﺎ ﺍﻭﻝ ﻣﺮﺓ ﻫﻲ
.ﺑﻐﻴﺖ ﻧﻜﻤﻞ ﻣﻌﺎﻙ ﺣﻴﺎﺗﻲ
ﻟﻤﻬﻢ ﻟﻮﻟﻴﺪﺓ ﻗﺎﻟﺖ ﻟﻴﺎ ﻏﺪﻳﻦ ﻧﻤﺸﻴﻮ ﻟﻤﺮﺍﻛﺶ
ﺣﻴﺖ ﻋﻨﺪﻧﺎ ﻟﻔﺎﻣﻴﻠﻴﺎ ﺗﻤﺎ ﻭﻗﺎﻟﺖ ﺑﺎﻏﺎ ﺗﻌﺰﻱ ﺷﻲ
ﻧﺎﺱ ﻣﻌﻠﻴﻨﺎ ﻣﺸﻴﻨﺎ ﺗﻤﺎ ﺍﻟﺴﺎﻋﺔ ﻟﻮﻟﻴﺪﺓ ﻣﺸﺎﺕ ﺗﻤﺎ
ﻏﻴﺮ ﺑﺎﺵ ﺗﻘﻠﺐ ﻟﻴﺎ ﻋﻠﻰ ﺯﻭﺟﺔ ﺍﻟﻤﺴﺘﻘﺒﻞ
ﻫﻬﻬﻬﻬﻬﻪ ﻭﺍﻟﺼﺪﻓﺔ ﺷﺎﻓﺖ ﻭﺣﺪﺓ ﻣﻦ ﺩﻭﻙ
ﻟﺒﻨﺎﺕ ﻟﻲ ﻛﺎﻧﻮ ﻣﺼﺪﻋﻴﻨﻲ ﻓﻲ ﺍﻟﻌﺮﺱ ﺩﻳﻚ
ﻟﻮﻗﺖ ﻭﻋﺠﺒﺎﺗﻬﺎ ﻣﻲ ﻟﻤﺸﻜﻴﻞ ﺩﺭﻳﺔ ﻣﺮﻳﻀﺔ
ﺑﺎﻟﺴﻜﺮ ﻣﺎﺑﻐﺎﺗﻬﺎﺵ.ﺭﺟﻌﻨﺎ ﻟﻤﺪﻳﻨﺔ ﺣﻴﺖ ﻭﺍﺣﺪ
ﻟﻤﺮﺓ ﻭﻟﺪﺍﺕ ﻭ ﻣﺸﺎﺕ ﺗﺰﺭﺭﻫﺎ ﻭﻛﺎﻧﺖ ﻋﺎﺭﻓﺔ
ﺑﻠﻲ ﻋﻨﺪﻫﺎ ﻭﺍﺣﺪ ﻟﺒﻨﺖ ﻗﻮﻗﺔ ﻫﻲ ﻫﺪﻳﻚ ﻣﺸﺎﺕ
ﺗﻀﺮﺏ ﻋﺼﻔﻮﺭﻳﻦ ﺑﺤﺠﺮ ﻭﺍﺣﺪ ﺍﻧﺎ ﻓﺼﺮﺍﺣﺔ
ﻋﺠﺒﺎﺗﻨﻲ ﺍﻟﺪﺭﻳﺔ ﻣﻲ ﺍﻟﺤﺐ ﻻ ﻳﺮﺣﻢ ﻣﺒﻐﻴﺘﺶ
ﻭ ﺣﺘﺎ ﺍﻟﺪﺭﻳﺔ ﻣﻜﻨﺘﺶ ﻣﻌﻤﺮﺓ ﺭﺍﺳﻬﺎ ﺑﺠﻮﺍﺝ.ﻟﻐﺪ
ﻟﻴﻪ ﻣﺸﻴﻨﺔ ﻟﺸﻠﻮﺡ...ﺍﻭﺍ ﺻﺎﻓﻴﻴﻴﻲ ﺑﻘﺎﻭ ﻟﻴﻨﺎ ﻏﻴﺮ
ﺷﻠﻮﺡ ﻣﺸﻴﻨﺎ ﻋﻨﺪ ﻭﺍﺣﺪ ﺍﻟﻨﺎﺱ ﺗﻤﺎ ﻟﻤﻬﻢ ﻣﻘﻠﻨﺎﺵ
ﻟﻴﻬﻢ ﻋﻼﺵ ﺟﻴﻨﺎ ﺣﻨﺎ ﻏﻴﺮ ﻣﺸﻴﻨﺎ ﻣﻊ ﺑﻨﺖ ﺧﺎﻟﺖ
ﻭﺭﺍﺟﻠﻬﺎ ﺣﻴﺖ ﻛﻌﺮﻓﻮﻫﻢ ﻣﻨﻬﺎ ﻧﻴﺖ ﻧﺸﻮﻓﻮ ﻟﺒﻨﺖ
ﻭ ﺍﻧﺎ ﺟﺎﻟﺲ ﺑﺤﺎ ﺟﺎﻟﺲ ﻋﻠﻰ ﺟﻤﺮ ﺑﻄﺎ ﻋﻠﻴﺎ ﻏﻴﺮ.
ﺍﻣﺘﺎ ﻧﻮﺽ ﺷﺎﻓﺖ ﻓﻴﺎ ﻟﻮﻟﻴﺪﺓ ﻗﺎﻟﺖ ﻟﻴﺎ ﺍﺵ ﻗﻠﺘﻲ
ﻗﻠﺖ ﻟﻴﻬﺎ ﻣﻌﺠﺒﺎﺗﻨﻴﺶ.ﻭﺍﺧﺎ ﻣﺸﻔﺘﻬﺎﺵ ﻫﻬﻬﻬﻬﻬﻪ
اصلا واخا تعجبني ماغاديش نقبل. من بعد رجعنا لمراكش. و من تما انا رجعت فحالي لكازا و خليت لوليدة تما حيت كانت عندي لقراية .هضرت مع الصاطة مرة خرى وتلاقينا بقينا كنفكرو فشي حل مي والو كنحس بيها هي بلي مابغا دير حتى مجهود.والغريب في الامر هو بعدما وقع هاد الشي الدرية زيانت و غلاضت كان من لمفروض ضعاف مي كفاش غدي ضعاف وهي غاعما مسوقا.
صافي بقينا هاكا و انا وليت واحد اخر وليت مفروح في السونطر ولاو عندي صحاب بزاف وليت عزيز عليهم باقي لدابا كنهضر معاهم لمهم وليت كوميدي ديما مرونها في القسم مكين غير النشاط والضحك مي لداخل عالم بيه غير الله.الساعة لقيت واحد الدري حتا هو قلبو مشوي كثار مني ههههه مي غير لفرق هو كان خاطبها غير وقع مشكيل بيناتهم وفرتك جقلا معاها هههههه معلينا قلت لدراري بلي انا صافي مسيني على راسي مغدي ندير والو هاد لعام..
بقيت عاطيها غير لتمناك ولتسطيا و كنت كنمشي مع واحد خينا لتداريب ديال الراجا في الوازيس.مكناش كنلقاو مشكيل في الغياب غير سرتافيكة بي 30 درهم كتعمر فيها شحالما بغيتي هههههه.واحد الطبيب كنت كليان ديالو ههه.
ايوا داز داك لعام مع انا كنت مرة مرة كنمشي نبريكولي فواحد الشركة و كان واحد الريسبونسابل جا عندي قاليا واش تخدم معايا قلت ليه اه حيت عارف راسي ممطفروش في السونطر من بعد لقيتو بدل رايو حيت انا فمي كياكلني غير لي جا عندي سولني اش قاليك فلان كنقوليه را بغاني نخدم معاه هههه اييييوا عمرو ليه راسو.لمهم بقيت حتا كملت لعام ديالي في السونطر عال الاقل اطبعوا ليا فديك الكريطينة عام ديال لفورماسيو.من بعد وفي رمضان بالضبط نهار الجمعة منورا صلاة التراويح جا عندي واحد السيد كيخدم في نفس الشركة وقاليا بلي خاصهم شي سطاجير واش تبغي تمشي قلت واخا.من بعد عيط ليا نهار الاثنين مشيت لشركة خرج عندي واحد قاليا جيب السيفي ديالك و تصويرة ديتهم ليه.ونهار الاربعاء عيط ليا واحد الليفرور حيت كنت عاطي نمرة ديالي ليهم ملي كدخلو لشركة كعيطو ليا كنمشي نشارجي معاهم و كيضبرو عليا هههه يلا خرجت من الدار وهو يعيط ليا السيد لي عطييتو السيفي قاليا نجي ندوز لونتخوتيان مشيت دخلت دوزت يلا بديت خدام مع الليفرور وهو يجي عندي عوتاني قاليا غتبدا دابا عطاني وحد لورقة غيليزتها وجبتها ليه.
بديت معاهم بخير لمهم انا كانت فيا واحد لبلية هي نكتب لقصص غير من لخيال ديالي وقلت علاش منكتبش سيناريو ونديرو فلم مع دراري وفعلا كنا قبل صورنا واحد لفلم.من بعد بدينا في واحد اخر واول لقطات مشينا درناهم فواحد لبلاصة كنت كنمشي ليها انا وديك الصاطة ملي سالينا وتمينا جايين فحالنا دراري دماراو لماطر ديالهم وانا يلا غدي ندماري لموطور وهي تبان ليا واحد الطوموبيل واقف حداها واحد خاينة ومعاه وحدة...
تصورو معايا هما بعاد عليا بزاف متقدرش تشوف وجههم مزيان وتعرفهم شكون و الدرية كانت عطياني بالظهر.. الى لعينين معرفوش هذيك الدرية شكون لقلب غدي يعرفها.ايييه هي البنت لي كنت معاها قسما بالله حتا عرفتها بلا منشوف وجهها ديك الساعة قلبي بدا كفدفد حتى كان غيسكت انا بديت كنصبر فراسي كنقول لا ماشي هي لا ماشي هي ولكن لقلب والله مبغا يتخدع كان متاكد مليون في المية بلي هي.وطاحت عليا شحال من حاجة فبالي نديرها فديك الساعة ونزيدكم واحد لقضية كنت حلمت بيها شحال هدي بلي خرجات لطريق ؤ ولات كتركب في الطوموبيلات ووو راكم عارفين . مي انا قلت ميمكنش دير هكا هدا غير حلم مي لحلم صبح حقيقة.معلينا انا بقا فيا لحال داك النهار داز خيب تصورو معايا كتشوف البنت لي كتبغي مع واحد اخر في بلاصة خاوية منكذبش عليكم كنت نقدر ندير اية حاجة داك النهار وزدت مرضت بزاف بديت كنحس بلي انا هو السباب حتى ولات بحال هاكا وووو لمهم حقدت على الدنيا و ميجي منها ولات كتبان ليا لحياة بحال شي عصير بلا سكر ولا عندي زايد ناقص
لمهم مع لمدة بديت كنسى واخا لقلب باقي مجروح مي قدرت نشد فراسي و منديرش شي حاجة لي غدي ندم عليها وقررت باش نبدى حياتي.و بقيت كنتفكر هاد شي لي دارت باش نمحيها من دماغي وباش تعرفو بلي هي مكلخة و معاطياش أهمية لموضوع كانت كتعاود لشي دري خدام معاها ويمكن يكون هو هاداك لي كان معاها فديك لبلاصة على هاد شي لي وقع لينا زعما بغاتو يعطيها شي فكرة ؤلا شي نصيحة ههههه مني انا ونجبد غادي نقوليها تفارقي معاه هدي حاجة باينة يفارقها معايا و يديها هو راكم عارفين لمهم هاد شي مرضني وقلت ليها بطبيعة لحال غدي يقوليك تفارقي معايا من هنا غدي يبدى يفرش ليك لحسيرة معلينا ملي بدات كدير هاد الستونات بديت كنيس منها عرفتها بلي عقلية اللا روب و ممنهاش كون كانت كتبغيني ديال بصح كون دارت غاع داك شي كانت كتقول ليا عوض تمشي تعاود لناس هاد شي.وملي كنهضر معاها نسولها اشنو درتي تقوليا معندي مندير.
منكذبش عليكم انا مغديش نكر بلي دوزت معاها سنين زوينة لكادو ديال عيد الميلاد كل عام و الورد وعيد الحب وووووو ولكن باش جزاتني في اللخر بطعنة في ظهري ودابا فنما كنتفكرها كنبدا ندعي عليها و كنتمنى ليها التعاسة في حياتها وحتى واليديها حيت ظلموني و مغديش نسمح ليهم حتال غدا يوم الدين.
بسباب هاد الشي مبقيتش كنتيق فشي حد ؤ ولا عندي زايد ناقص.لي بغا يطرا يطرا.
لحاجة الزوينة لي ربحت من هاد القصة كاملة وهاد صداع الراس هو اني خديت لباك ؤ هو باش خدام دابا لحمد الله و حاجة اخرى
خديت تجربة في الحياة و عرفت بلي الحب في المغرب غير اشاعة ههههه.
الحب والله ميقدو عليه بنات ليوم الا من رحم ربك.لمهم ادراري لي كيبغي شي وحد ميعطيهاش قيمة كثر من لقياس حيت غدي غير تزادها نغزة و تولي زيغة بزينها ومن تما غدي يبداو لمشاكيل.
هذا غير ملخص ديال القصة اما كون كتبت كولشي بالحرف والله مغنسالي غدي نفوت مسلسل سامحيني هههههه .
كان خاصني نسمي هاد لقصة غلطة حياتي مشي حب حياتي هههههه
النهاية.
القصة بدات ملي كنت كنقرا في السنة الثالثة اعدادي (الكتريام)زعما هههه.بدينا لقراية بشحال من شهر ديك لوقت انا مكنتش معمر راسي بالدريات كانت اخر حاجة كنفكر فيها هي نتصاحب مع شي درية.و كنت تقريبا كنكرههم معرفتش علاش ممكن تقولو ليا علاش؟صافي نساو هههه.لمهم كانو كيقراو معايا بزاف ديال التيتيزات مي مكنتش ومسوق لهم من بعد شفت واحد الصاطة و بالضبط في الحصة ديال الرياضة من أول نظرة عجباتني واخا شحال من شهر و هي معايا في نفس القسم مي مبقيتش داير لبلان في راسي قلت حيد عليا بقا ليا غير التصاحيب.
من بعد لقضية بدات كتزير عندي وليت فينما كنشوفها قلبي كيبدا يفدفد ههههه كتبان ليا السيدة مثبتة و محصنة.وليت كنحس بشي حاجة من جيهتها وانا نقول مع راسي علاش منجربش حظي معاها وفعلا صيفت ليها رسالة.القرن 21 عصر العولمة و حرية التعبير و انا مصيفت ليها ورقة فيها لطالما احببتك.... هههههههه شحال كنت هبيل هههه
ماعلينا الطلب تم رفضه هههه بالعربية تعرابت دفعات كبير قالت ليا انا مكنتصاحبش(يا لهويييي...)اصلا درتها غير هبل تربح من بعد صيفت ليها رسالة اعتذار و نسيت لموضوع.ولكن قلبي كان عندو راي اخر مابغاش انساها و عودت صيفت ليها مرة خرى و درت بزاف ديال المحاولات مي والو.ديك ساعة حطيت السلاح استسلمت.سالا لعام نجحنا وطلعنا لسنكيام ولحسن لحظ طحنا في نفس لقسم ههههه واخا هكاك متسوقتش دوزت لعام غير ضحك و تفرويح حيت كنت معول ندير السونطر داز داك لعام كنت فيه انا هو لمدير ديال ليسي كنجي غير لوقت لي قالها ليا راسي.لمهم لخبار فراسكم منجحتش بطبيعة لحال مغديش نجح واش لي مسيني جوج ديال الالتزامات في شهر غدي ينجح؟ الجواب بكل بساطة لا ههههه.
من بعد مشيت درت السونطر ؤ واحد نهار قاليا راسي نمشي نضرب دويرة في الليسي كذبت على الواليدة الله يسمح ليا قلت ليها الحارس العام بغا يشوفني.هي هديك مشيت دخلت الليسي ديك الساعة كان باقي وقت التقياد و انا غير دخلت مدرم لمهم واقف مجمع مع لي فان بغيت نقول مع العشران كنهضرو و كنضحكو واحد شوية كتبان ليا الفتاة اييييه ديك الصاطة لي مزعوط فيها ههههه دايزة هي و صحباتها.اييييوا اش غدي نقوليكم تمنيت كون مامشيتش لتما.جيت لدار طريق كلها و انا كنخمم ملي وصلت لدار سولاتني لوليدة علاش عيطوا ليك في المدرسة.قلت ليها را بغاوني نرجع نكمل لقرايا ههههههه لي سمعني داوي يقول هاد السيد كضرب غير 20على 20 وما جاورها هههههههه.
ديك الساعة قالت ليا صافي رجع لمدرسة.ملي شفت راسي بلي كحلتها قطعت وعد بيني وبين راسي بلي خاصني نقرا مزيان و اخا انا راجع غير على قبل الدرية.لغد ليه مشيت لقريعة ناس ديال كازا غدين اعرفوها خديت شي بياسات و من بعد مشيت الليسي تقيدت و بديت خيطي بيطي في الليسي ؤ واخا هكاك مقدرتش نهضر معاها وبقيت غير كنشوف بعويناتي.
دازت الايام تعرفت على شي فتيات من القسم و شي دراري بدينا كنديرو واحد التجمعات لي كولشي كان كيحسدنا عليهم راكم عارفين..لمهم كنا كنديرو دائرة و كنشدو قرعة كندوروها لوسط ؤ لي جات في جهتو لقفالة كسولو الشخص لي جاه لعكس ديال لقفالة
واحد لمرة جات فيا انا وسولاتني واحد الصديقة الله يدكرها بالخير سميتها سهام لي كنوجه ليها التحية من هاد المنبر ....هههههه
قالت ليا واش عمرك بغيتي شي بنت بطبيعة لحال الجواب كان اه وقلت ليها بلا متسوليني على سميهتا حتال هاد اللحظة حتا شي حد ماكان عارف هاد القضية ملي قلت ليها اه دار فيا عشيري هاي هاي هاي هذي كاعما كانت في خباري ههههه....
لمهم داز داك النهار صافي ولقضية بقات هكاك حتال واحد النهار البطلة ديال القصة غتكون غالسة مع واحد الدرية كتقرا معايا حدا دارهم حيت ساكنة حداها من بعد غدي نكتشف بلي هي من عائلتها..سولاتها قالت ليها واش كيقرا معاك فلان؟قالت ليها اه. علاش؟
اوا جاوبتها وقالت كان مزعوط فيا ههههه.
لغد ليه جات عندي وقالت ليا عرفت سميت الدرية لي مزعوط فيها قلت ليها كيفاش حتى عرفتيها؟مهم عودات ليا لبلان وقالت ليا بلي هي من عائلتها.
لمهم من بعد انتشر الخبر كالنار في الهشيم ههههه راكم عارفين لفتيات خبار بحال هذي كدار في الصفحة الاولى ههههه
انا بصراحة تصدمت ملي قالت ليا بلي فلانة من عائلتها و في نفس لوقت فرحت قلت صافي هاد خيتي غدير معايا لمزيان.مي واخا هكاك متبدل والو عيات ديك خيتي متخيط بيناتنا ؤ والو السيدة راسها قاصح لمهم لي زامي بقاو ديما فارعين ليا راسي سير هضر معاها سير سير ...مي انا مكنتش قادر نزعم عليها
واحد نهار قلت صافي غدي نمشي تميت غادي وصلت حتال حداها وانا نطيح السينيال و ضرت على الليمن هههههه كي غدي ندير محدي كنقرب لحداها والقلب عندي كيزدح كان غدي يخرج من بلاصتو.
صافي دازت الايام سالات الدورة الاولى شدينا العطلة مشيت ضربتها بتسافيرة لمراكش وملي دخلنا وقع ليا مشكيل في الليسي. كان كيقرينا واحد الاستاذ ديال العربية داير بحال لمرا كلبس ستيل ديال الدريات و يتعوج في المشية و لهضرة انا مكنتش حاملو و مكنتش كنحمل بحال هاد النوع لمهم تشاديت انا وياه و ترونات ديال بصح و مشا ولد لقاف دار سرتفيكا و دفعها لجوندارم حط علينا باطل انا ؤ واحد عشيري ؤ واحد خينا فورورو كيقرا معانا لمهم تدخل لمدير و شي اساسيد فرينا لقضية معاه.من بعد بقات لقضية غادا مزيان نسينا داك صداع راس وقررت نديها في لقرايا شوية.معلينا داز تقريبا شي شهر كنت واقف كيف لعادة مع مي زامي و هما يتافقو عليا الدراري و الدريات باش يديوني نهضر مع الدرية لمهم والله في رمشة عين محسيتش حتا لقيت راسي واقف معاها هههه كنت كندير ليهم السبة بصاحبتها ديما كتكون معاها الساعة في لحظة لقيت صاحبتها صدرها عشيري في قنت داها كيلاهي فيها و انا لصقوني مع الدرية هههههه لمهم بديت كنخوي عليها قلبي و هي را عارفة من امتا و انا حاط عليها العين 3 سنين و انا غير كنشوف بعويناتي.
بديت كنعبر بلا بلا بلا وهي غير كتسمع في اللخر قالت ليا نكونو غير اصدقاء ههه منقدرش نتصاحب.قلت مع راسي (اواه انا مخلص 450 درهم في السونطر و بلوزة ب 100 درهم وسمانة وانا كنفيق مع 5:30 ديال الصباح و تخليت عليهم و كاذب على لوليدة من لفوق على قبلها و في اللخر تقوليا نكونو اصدقاء؟؟لا لا لا مامفاكش).بغيت ندير فيها معلم قلت ليها ميمكنش الحب اتحول لصداقة متقولي ليا والو دابا حتا تفكري عاد جاوبيني.
خليتها و رجعت عند الدراري صافي بقاو شادين فيا لمهم لغد ليه وقفت عليها عوتاني هههه ولات عندي لقضية ساهلة مبقيتش كنلقا مشكيل زعمت عليها هههههه هضرت معاها وقلت ليها
مبقيتش كنلقا مشكيل زعمت عليها هههههه هضرت معاها وقلت ليها امدرا فكرتي فداك الشي لي قلت ليك قالت ليا را هضرت معاك. قلت ليها لا انا كنبغيك و ناوي نكمل حياتي معاك ووووو لمهم مبغاتش تبدل رايها ديما كتقول ليا نفس لهضرا وانا نقوليها غدي نعطيك سيمانة باش تفكري مزيان من بعد والله مغدي نبقا نصدعك. دازت ديك السيمانة طوييييييلة حيت مبقيتش كندور بها خليتها تفكر على خاطرها ملي دازت السيمانة مشيت عندها مي لقيتها باقة متشبثة بقرارها صافي هي هذيك قلت ليها مغديش نبقا نجبد معاك هاد لموضوع و ميمكنش ليا نكون صديق ديالك. من بعد وليت مريض مبقيتش كنجمع مع الدراري بزاف واحد فكرت باش نطيح مع واحد البنت اخرى باش نسا هاديك وفعلا هضرت معاها ؤ وافقات مي واخا هكاك مكنتش كنوقف معاها بزاف واحد نهار كنت جالس بوحدي داير لمزيكة في ودني و حادر راسي غاعما كاين فهاد لعالم شوية وهي توقف عليا الدرية لي مزعوط فيها هي وصاحبتها لمهم ديك صاحبتها خدات من عندي التيليفون و مشات بقات كتمزك و الدرية بقات معايا بدينا كنهضرو بلا بلا و انا نعاود نسولها و قلت ليها عطيني غير فرصة و هي تقوليا ختار يا اما نكونو اصدقاء و تقدر توقف معايا ؤ لا نتصاحب معاك و نهضرو غير في التيليفون؟؟قلت معا راسي شحال قدني نهضر معاها في التيليفون تامالي مدير ديال الاتصالات.. قلت هذي مغينفع معاها غير التشيطين قلت ليها صافي نهضرو في التيليفون.لمهم تكوني صحيبتي هههه.داك النهار كان عندي بحالا المنتخاب دا كاس العالم ههههه.لمهم فريت جقلة مع ديك الصاطة لي طحت معاها و بقيت مع حبيبة لقلب.
لغد ليه وقفت عليها كنهضرو هي نسات داك الشرط و حتا انا نسيت لقضية مشات كما بغيت صافي بقينا ديما كنوقفو و كنهضرو وبعد لمرات كنمشي معاها في الطريق و بقات لقضية هكاك..
لمهم ولينا كنجمعو مع بعضيتنا بزاف ولات لعلاقة بيناتنا مزيان واخا كان الحب من طرف واحد خوكم ما استسلمش حاولت ديما نكون معاها رومانسي هههههه درت بزاف ديال الحوايج باش نخليها تبغيني مي متبدل والو.صافي وانا بقيت غادي معاها بنيتي داك الشي لي كين كنقولو ليها مكنخبي عليها والو وليت كنشارك معاها غاع الاسرار ديالي كنت داير فيها ثيقة كبيرة.
لمهم دوزنا داك لعام غير في الساحة ديال لمدرسة حيت هي لي كنا نقدرو نهضرو فيها على خاطرنا حيت واحد لبعلوك ديال خوها كان كيقرا في الاعدادي باقي لاصق غير في لرض وكتخاف منو هههه مي انا صبرت وكنت كندير ليها خاطرها اصلا كنت كنلقا راحتي في الساحة.من بعد سالا لعام جات لعطلة محملتش راسي ههه من نهار تصاحبت معاها وليت كنكره شي حاجة سميتها العطلة...وحتى داك الويك اند مبقيتش كنحملو راكم عارفين علاش ايييييه مكنتش نقدر نتفارق معاها
واخا هكاك كنت كنشوفها مرة مرة كنا كنتلاقاو وكنهضرو واحد السويعة من بعد كترجع لدارهم و كنكملو لهضرة في الفايس اي داك الزيرو فايس بوك كان داير لمزيان ههههه تصورو معايا ملي كنحل عيني صباح وانا ملصق التيليفون في ادي كنبقاو نشاطيو حتا شي واحد فينا كيديه النعاس اصلا كانت هي ديما كيديها نعاس باغ سو كو..اش كنخربق بقات ليا غير لفرونسي هههه
...حيت هيا نقدرو نكولو مكانتش عاطياني شي قيمة كانت كتعتابرني مجرد صديق على اي دازت لعطلة ورجعنا لمدرسة بنادم كلشي حاقد حيت لعطلة سالات الا انا ههههه كنت كنتسنة لقراية على احر من الجمر هههههه تقيدنا وبدات لقراية هي كان عندها الباك وان يلا غدي نقرا السيزيام حيت انا عاودت السنكيام لمهم داك لعام بديت كندوز في البيرمي ؤ واحد نهار جات عندي وتفركعات عليا وقالت ليا غدي نتفارقو انا معرفتش شنو سباب و جاتني لبكية لمهم شفت حتا عييت قلت اوكي صافي نتفارقو من بعد ولات كتعيط ليا وطلبات مني سماحة و رجعنا عوتاني صافي من تما لقضية طورات شوية ؤبدات حتا هي مرة مرة كتعبر و داك الشي مشي شي حاااااجة ولكن بدات كتعود عليا.
فهاد لعام غدين نوليو نخرجو بجوج مشينا لعين دياب و مرة خرجنا حنا واحد لكليكة مشينا لملتقى الطالب و ضرنا شوية .
لمهم بدينا كنتقربو لبعضياتنا بزاف.
ولكن من بعد بداو كيوقعو بزاف ديال لحوايج لي معجبونيش بحيث دوك الدريات لي كنت معاشر معاهم و هما لي عونوني باش قدرت نزعم و نهضر معاها ولاو باغين افارقونا حيث وليت عاطيها وقت بزاف و كنهتم بها ربما حسدوها و حتا شي صحابتها قالوها ليها غير بالضحك ههه ولكن مخرجينها من لقلب .
فهاد اللحظة انا وليت كنغير عليها بزاف و مكنتش كنحمل شي حد يهضر فيها خايب ؤلا يمشي معاها شي واحد في الطريق.كان واحد خاينة قرا معايا وكان معاها في نفس لقسم كان كجمع معاها هي والدريات و كيمشي معاهم في الطريق حيث كان تقريبا ساكن حداها وانا مكانش عندي مشكيل في الاول حيت كنعرفو و ما كنتش كنظن فيه شي حاجة خايبة مي من بعد انا وليت كنغير كثر من لقياس و خصوصا بعدما قالت بلي حتا هي ولات كتبغيني .قلت ليها متبقايش تمشي مع فلان في الطريق ؤلا تهضري معاه قدامي قالت ليا واخا مي كنت ديما كنشوفها معاه وعاودت تبريت فيها و قالت ليا را هو لي كيجي عندي...
ديك الساعة قلت ليها مكاين باس من بعد شفتو وانا نقصدو قلت ليه الصاط بعد على فلانة متبقاش ضور بساحتها قاليا واخا مي هو نواها فشكل كيحساب ليه سمعت عليه شي حاجة و حيت هو كان حاقد على واحد خيتي لي هي من عائلة الصاطا ديالي مشا تفركع عليها ووووو اصلا انا غير سمعت لمهم داز داك النهار و دازو الايام ؤ واحد نهار كانت هي خارجة مع 10 و حتا انا كنت خارج في نفس لوقت بقيت حاضيها وداك خونا حيت معاها في نفس لقسم خرج مي بقا غادي مع الدراري و انا مشيت لواحد لقنت وبقيت حاضيهم من بعيد شويا تبعتهم مي من طريق خرى و كان معايا واحد الدري انا كنت عارف غادي ايمشي عندها و يبقا غادي معاها في الطريق.شويا حتا كيبانو ليا دايزين بجوج من القنطرة صافي محسيتش براسي حتا لقيت راسي واقف عليهم شديتو هو وهي موقفاتش بقات غادا لمهم كنت شاعل داك الزبل حاشاكم طويل قد لبوطو ديال الضو انا ماعاقلش على راسي كيبان ليا غير نهزو ونلوحو مو من لفوق لقنطرة داك الدري لي كان معايا هو لي قاليا صافي قلب و انا نلحق على ختنا قصحت معاها لهضرة منكذبش عليكم محملتش داك الديكور لمهم رجعت وبقا كبرد فيا الدري .
صافي انا نسيت لموضوع مي مبقاش داك خونا كضور بساحتها.ولكن ماشي هادا هو لموشكيل باش تعرف بنادم ديلمو مريض وعقليتو مسخا شحال من واحد عارفها مصاحبة معايا و كيتلوط عليها ؤ واحد منهم كان عندي معاه وقرا معايا واش دابا بحال هادو متدبحش مهم؟؟لمهم انا من بعد ما ضرت فيها مبقاتش كديها فشي كلب ولي دوا معاها كتقمعو هاكا بقيت هاني.
لمهم من بعد علاقتي بدات كتخياب مع دريات لي كانو بحال خواتاتي ؤ وقفوا معايا في شحال من موقف خصوصا فاش كنت ضاربت مع داك الاستاذ ديال العربية .
معلينا هاد لعام وقعو بزاف ديال لحوايج خايبين بداو صحباتها كوسوسو ليها وانا دوك خياتي ولاو كقولو ليا عليها شي هضرة.
واحد نهار كنت دخلت معاهم لقسم و بالضبط عند الاستاذ ديال الاجتماعيات مقراوش ديك الحصة غير صحو فيها واحد لفرض وخداو النقاط ديالهم من بعد بقينا عاطينها غير لهضرة و انا قلت ليها بغيت نشوف تصاورك قالت ليا التيلي طافي ومع انا مشي من لعاكزين قلت ليها ديري لكارط ميموار في تيليفوني.هيا هذيك دارتها و بقينا كنتفرجو في التصاور شوية دق الجرس وخرجنا بقينا جالسين في الساحة كنكملو التصاور مي انا خرجني الحارس العام وخرج غاع الدراري نوغمالمو كولشي كيخرج دراري ودريات مي حيت لبلاصة لي فيها لمدرسة خايبة وكانت ديك الساعة لعشية خلاهم لداخل.صافي انا خليت ليها تيليفوني و خرجت اح على داك التيليفون كنت نخليه عند شي وحدة ؤلا شي واحد كنلقاه دار على لمدرسة كاملة كنولي نشوف تيلفوني عند وحدة غاعما كنعرفها كولشي كان كيشد داك التيلي حيت كانت فيه واحد الكارط ميموار جامعة جميع انواع الاغاني وا موازين و مدارهاش هههههه معلينا خليت ليها المشقوف و خرجت برا.ملي وصلات 6:00 خرجات ولكن كان وجهها مبدل جات عندي قالت ليا واش محطيتيش تصويرتي في تيلفونك؟(اوااااااه اش هاد التبرهيش عوتاني)انا دخلات ليا الشك كيحساب ليا غير باغا تشد فيا الساعة لبلان صدق بصح.قلت ليها لا
انا فهاد اللحظة تلفت حيت من قبل كنت قلت ليها عطيني تصويرتك و مبغاتش.بديت كنقوليها واقيلا نتي لحتيها بلا متحسي ؤلا دازت بوحدها.بديت كنحلف ليها بلي مشي انا اصلا هي مكلخة واش انا غنكوبي التصويرة عندي ونخلي ليها لمشقوف ؟؟
لمهم دازت لقضية وتنسات مي بقات ليا فبالي من بعد شي عام تقريبا وانا نسولها قلت ليها واش صاحبتك عطيتيها التيليفون شي لحظة؟قالت ليا اه.حيت مكنتش كنتيق فديك خيتي بنت اللذين هي قوقة وقلدة و لعوينات خضرين و لكن لقلب كحل وشيطانة.
قلت ليها صافي. فهمت دابا لمهم هي فهماتني اش بغيت نقول ؤ لات رادة لبال معاها.
وماشي غير هاد شي واحد النهار كانت كتبرباري لباك هي وديك خيتي وشي صحاباتها في الدار و كنت كنهضر معاها في الفايس
شوية ديك صاحبتها القوقة هزات ليها التيلفون وبدات كتصيفت ليا لمسجات وهي كتشوف داك الشي لي كتكتب انا كان كيحساب ليا هي لي كتكتب لمهم عطاتني شي هضرة قاصحة لدرجة قلبت عليها ولكن ذنوبي خرجوا فيهم بجوج منجحوش في الباك ههههههه
معلينا حتا داز على ديك لهضرة شحال و تفارقت مع ديك القوقة عاد قالت ليا بلي صاحبتها لي كتبات داك الشي.
شوفو الصحبة كيدايرة شرات ليا الصداع مع الدرية لي هي صاحبتها يا حسرة و كانت كتعتابرها ختها ههه.لمهم هاد لعام وقعو بناتنا بزاف ديال لمشاكيل بسباب لهضرة ديال بنادم وشي تصرفات ولات كدير و زيد و زيد.من بعد شدينا لعطلة وبقينا كنهضرو في الفايس وملي جا رمضان قلت ليها بلي من ورا لفطور عاد نوليو نهضرو حيت انا كنت كنخرج غير لكلام لحلو من فمي هههههه مبغيتش نزبالي وانا صايم لمهم قالت ليا اوكي.وبقات لقضية غاذا هكاك داز رمضان ولعيد وداز تقريبا شي شهر واحد نهار كنت كنهضر معاها بليل وملي سالينا لهضرة وبغيت نعس جاني واحد لوسواس برزط ليا راسي وانا ندخل لفايس ديالها.
وكانت الصدمة ههههه لقيتها بلي كانت كتهضر معا واحد من رمضان وعاطياه النمرة ديالها و كتمساجا معاه واش منك يا حبيبي و كيصبحتي ؤ واش نوجد ليك لفطور وووووو ولقيت بلي تلاقات معاه.اييييييييييه اسي.لمهم منعست ديك الليلة لغد هضرنا عادي مبينتش ليها واحد اللحظة طاحت عليا واحد الفكرة.قلت ليها فلانة بغيت نقوليك شي هضرة ومتقلقيش.قالت ليا غير قول...
...قلت ليها كنت غادي نخونك مع وحدة مي مقدرتش حيت عرفت بلي كنبغيك بزاف.(بغيت نشوف الرد الفعل ديالها كي غادي يكون).واش عرفتو اشنو اول كلمة قالت ليا؟؟
قالت انا وليت كنكرهك صافي نساني بمرة..هنا عرفت السيدة بلي باغا غير السبة ولكن صدمتها ملي قلت هي دابا انا هاد شي لي خصني ندير بطبيعة لحال هي مافهمات والو.وانا نقوليها هاد شي غير قلت ليك بلي كنت غادي نخونك لعلم الله كنت خنتك ديال بصح اش غديري.وانا نقوليها شكوناهو داك فلان؟صافي هنا خربقت ليها سلوكا ديال مخها وبدات كتقوليا را غير كنت كنتفلا عليه و كندوز بيه لوقت وووووو لمهم بحكم انا الحب كان عامي ليا عينية دارت ليا بزاف ديال الاعذار و دوزتها ليها مي مبقيتش كنتيق فيها بمرة.و كنت ديما كنفكرها فهاد لقصة.
من بعد سالات العطلة وبدات لقرايا عوتاني وجمعنا الحظ مرة خرى في نفس القسم حيت هي عاودات لباك كانت كتقوليا بلي مغتعاودش مي رجعات في اللخر لمهم فهاد لعام غدي تطور لعلاقة ؤ وليت كنسمع منها لكلام لحلو و داك الشي وووو.
هههه انا ولا عاجيني لحال قلت صافي السيدة ولات كتبغيني وبدات كتبادلني نفس لمشاعير.لمهم بحكم كنا في نفس القسم مكناش كنتفرقو كنجلسو في نفس الطاولة ندخلو بجوج و نخرجو بجوج ههههه ترا بزاف ..واخا هكاك منسيتش لقرايا كنت جامع راسي كان عندي مشكيل غير في الفرونسي والفلسفة هما لي كنت مطنغ فيهم مي المواد لخرين كان عندي معاهم خصوصا الانجليزية.والدرية كنت ديما كنوريها واخا الاستاذ كان كتبرا مني مكنتش كنتسوق ليه..لحب وميدير واش نضرب انا 17 و 18 والصاطة تجيب 10 مريض هاذا كنت نقدر نكتب سميتها في الورقة ديالي غاع ههه. لمهم لعام ديال لباك داز حلوة وبكيت فيه شحال من مرة بسبابها.
حيت بديت كنحس بلي لقضية مغتساليش بيخير لمهم هذيك كانت غير فترات فراغ ؤ صافي.
من بعد ولا كلشي غادي مزيان بدات حتا هي كدير فيا الثيقة واخا غير سطحية.مشي شي ثيقة نيت.فهاد لعام ولينا كنهضرو بزاف ؤ وليت كنهضر معاها على الزواج و بدينا كنخططو لحياتنا ووووو لدرجة تصورو معايا مبقيتش كنحط التيلي من ايدي واخا نكون كنتعشا كنبقا نهضر معاها كل ضغمة بميساج الليد الليمنية كناكل بيها والليسرية كنصيفت بيها لمساج هههههه.
ﻣﻦ ﺑﻌﺪ ﻭﻟﻴﺖ ﻛﻨﻌﻄﻴﻬﺎ ﺷﻲ ﺍﻗﺘﺮﺍﺣﺎﺕ ﻭ ﺷﻲ
ﺍﺳﺌﻠﺔ ﺑﺎﺵ ﻧﻌﺮﻑ ﻟﻌﻘﻠﻴﺔ ﺩﻳﺎﻝ ﻭﺍﻟﻴﺪﻳﻬﺎ.ﻟﻘﻴﺖ
ﺑﻠﻲ ﺩﺍﺭﻫﻢ ﻣﻜﻴﻬﻤﻬﻤﺶ ﺭﺟﻞ ﺑﻨﺘﻬﻢ ﺍﻟﻤﺴﺘﻘﺒﻠﻲ
.ﻳﻜﻮﻥ ﻣﻌﻘﻮﻝ ﺅﻻ ﻧﻘﻲ ﺍﻭﺍﻭﺍﻭ
ﻟﻲ ﻛﻬﻤﻬﻢ ﻫﻮ ﻳﻜﻮﻥ ﻣﻠﻌﻖ ﻳﻌﻨﻲ ﻫﻤﺎ ﻃﺎﻣﻌﻴﻦ
ﻫﺬﻱ ﻫﻲ ﺍﻟﺼﺮﺍﺣﺔ.ﺻﺎﻓﻲ ﻫﻨﺎ ﺍﻧﺎ ﻋﺰﻣﺖ ﺑﺎﺵ
ﻧﻜﻮﻥ ﻣﺴﺘﻘﺒﺎﻟﻲ ﻭﺍﺧﺎ ﻫﺎﺩ ﺍﻟﻨﺎﺱ ﻣﻴﺼﻼﺣﻮﺵ ﻟﻴﺎ
ﻟﻤﻬﻢ ﻋﻨﺪﻱ ﻫﻮ ﻧﺘﺰﻭﺝ ﺑﺎﻟﺒﻨﺖ ﻟﻲ ﻛﻨﺒﻐﻲ.ﺑﺪﻳﺖ
ﻛﻨﻘﺮﺍ ﻣﺰﻳﺎﻥ ﻭ ﻛﻨﺮﺍﺟﻊ ﺩﻭﺭﻭﺳﻲ ﻭ ﻛﻨﺒﺮﺑﺎﺭﻱ
.ﻟﺒﺎﻙ ﻣﻦ ﻟﺒﺪﻳﺔ ﺩﻳﺎﻝ ﻟﻌﺎﻡ
ﻟﻮﻟﻴﺪﺓ ﻣﻜﺎﻧﺘﺶ ﻣﺄﻣﻨﺔ ﺑﻠﻲ ﻏﺪﻱ ﻧﺠﻴﺐ ﻟﺒﺎﻙ ﻣﻲ
ﻣﺎﻣﺸﻴﺖ ﺣﺘﺎ ﺧﺪﻳﺘﻮ.ﻭﺍﻟﺪﺭﻳﺔ ﻣﻨﺠﺤﺎﺗﺶ ﻓﻲ
ﺍﻟﺒﺎﻙ ﺣﻴﺖ ﻣﺠﺎﺗﺶ ﻣﻌﺎﻳﺎ ﻓﻲ ﻧﻔﺲ ﺍﻟﻘﺎﻋﺔ ﺍﻣﺎ
ﻭﺍﺧﺎ ﻧﻌﺮﻑ ﻧﻌﻄﻴﻬﺎ ﻭﺭﻗﺘﻲ ﻭ ﻧﻌﺎﻭﺩ ﻧﻜﺘﺐ ﻭﺣﺪﺓ
.ﺧﺮﻯ
ﻟﻤﻬﻢ ﺑﻌﺪﻣﺎ ﺩﻭﺯﻧﺎ ﺍﻟﻮﻃﻨﻲ ﺍﻧﺎ ﺍﻟﺤﻤﺪ ﺍﻟﻠﻪ ﻧﺠﺤﺖ
ﻭ ﻫﻲ ﻋﻄﺎﻭﻫﺎ ﺍﺳﺘﺪﺭﺍﻛﻴﺔ ﻭ ﺣﺘﺎ ﻫﻲ ﻣﺪﺍﺭﺕ ﻓﻴﻬﺎ
ﻭﺍﻟﻮ ﻭﺳﻘﻄﺎﺕ ﻣﻦ ﺑﻌﺪ ﺑﻘﻴﻨﺎ ﻛﻨﻬﻀﺮﻭ ﻓﻲ
ﺍﻟﺘﻠﻔﻮﻥ ﻭ ﻛﻨﺘﻜﻮﻧﻴﻜﻄﺎﻭ.ﻓﻲ ﺍﻟﻌﻄﻠﺔ ﻫﻲ ﻣﺸﺎﺕ
ﻟﺨﺮﻳﺒﻜﺔ ﻭﺍﻧﺎ ﺍﻭﻝ ﺣﺎﺟﺔ ﺩﺭﺕ ﺗﻘﻴﺪﺕ ﻓﻲ
ﺍﻟﺴﻮﻧﻄﺮ ﺩﻳﺎﻝ ﻛﻮﻣﻴﺮﺱ ﻣﻦ ﺑﻌﺪ ﻣﺸﻴﺖ
ﻟﻤﺮﺍﻛﺶ ﺣﻴﺖ ﻛﻨﺖ ﻣﻌﺮﻭﺽ ﻟﻮﺍﺣﺪ ﻟﻌﺮﺱ ﺗﻤﺎ
ﻓﻲ ﺍﻟﻌﺮﻭﺑﻴﺔ ﻋﺮﻓﺘﻮ ﻣﻠﻲ ﻣﺸﻴﺖ ﺗﻤﺎ ﺩﻭﻙ
ﺍﻟﺪﺭﻳﺎﺕ ﺑﻨﺎﺕ ﻟﻌﺮﻭﺑﻴﺔ ﻣﻠﻲ ﻛﻴﺸﻮﻓﻮ ﺷﻲ ﺑﺮﺍﻧﻲ
ﺧﺼﻮﺻﺎ ﺍﻟﻰ ﻛﺎﻥ ﻭﻟﺪ ﻛﺎﺯﺍ ﺑﺤﺎﻻ ﺷﺎﻓﻮ ﺗﻮﻡ ﻛﺮﻭﺯ
ﻫﻬﻬﻬﻬﻪ ﻭﺍﻟﻨﺼﺎﺭﺓ ﻭ ﻣﻠﻔﻴﻦ ﺑﻬﻢ ﻛﻴﺠﻴﻮﻫﻢ ﻋﺎﺩﻱ
ﻳﻮﻡ ﻟﻲ ﺩﻭﺯﺕ ﺗﻤﺎ ﺍﻟﺘﻴﻠﻴﻔﻮﻥ ﺩﻳﺎﻟﻲ 12 ﺩﻳﻚ
ﻣﻜﻨﺶ ﻛﻴﺴﻜﺖ ﺣﻴﺖ ﺍﻟﺪﺭﻳﺔ ﻟﻲ ﻋﻨﺪﻫﺎ ﻟﻌﺮﺱ
ﻛﺎﻧﺖ ﻋﻨﺪﻫﺎ ﻧﻤﺮﺗﻲ ﻫﻲ ﺑﻨﺖ ﺑﻨﺖ ﺧﺎﻟﺘﻲ ﻟﻤﻬﻢ
ﺧﺪﺍﻭ ﻧﻤﺮﺓ ﻣﻦ ﻋﻨﺪﻫﺎ ﻭﺗﻔﺮﻗﺎﺕ ﻋﻠﻴﻬﻢ ﻛﻠﻬﻢ
ﺑﻐﺎﻭﻧﻲ.ﻫﻬﻬﻬﻬﻪ ﺍﻭﺍ ﺧﻮﻛﻢ ﻣﻊ ﻃﺎﻳﺢ ﻭ ﺩﺍﺧﻠﺔ
ﻟﻘﻠﺒﻮ ﻭﺣﺪﺓ ﺧﺮﻯ ﻭ ﻣﺨﻠﺺ ﻟﻴﻬﺎ ﻣﺪﻳﺘﻬﺎﺵ ﻓﻴﻬﻢ
ﻭﺍﻟﺪﺭﺍﺭﻱ ﻟﻲ ﺗﻌﺎﺷﺮﺕ ﻣﻌﺎﻫﻢ ﺗﻤﺎ ﻛﻴﺤﺴﺎﺏ
ﻟﻴﻬﻢ ﺍﻧﺎ ﻏﻴﺮ ﺑﺎﺭﺩ ﺯﻋﻤﺎ ﺑﻘﺎﻭ ﻣﻄﻠﻌﻴﻨﻬﺎ ﻋﻠﻴﺎ ﻣﻲ ﺍﻧﺎ
ﻣﺘﺴﻮﻗﺘﺶ ﺩﺭﺕ ﻟﻴﻬﻢ ﺍﻟﺴﺒﺔ ﺑﻠﻲ ﻭﺍﺧﺎ ﻧﻄﻴﺢ ﻣﻊ
ﺷﻲ ﻭﺣﺪﺓ ﺭﺍ ﻣﻐﺪﻳﺶ ﻧﻄﻮﻝ ﻣﻌﺎﻫﺎ ﺣﻴﺖ ﺍﻧﺎ ﻏﻴﺮ
ﺷﻲ ﻳﺎﻣﺎﺕ ﻭ ﻧﻤﺸﻲ ﻓﺤﺎﻟﻲ ﻭﻟﻜﻦ ﻫﻤﺎ ﻋﻨﺪﻫﻢ
ﺭﺍﻱ ﺍﺧﺮ ﻗﺎﻟﻮ ﻟﻴﺎ ﺗﻤﺎﻟﻚ ﻏﺘﺰﻭﺝ ﺑﻴﻬﺎ ﻛﻮﻝ ﻏﻴﺮ
ﺑﻄﺒﻴﻌﺔ ﻟﺤﺎﻝ ﺍﻧﺎ ﻣﻜﻨﺘﺶ 9 6 ﻟﺤﻠﻮﻯ ﻭﻗﻠﺐ
ﻛﻨﻔﻜﺮ ﺑﺤﺎﻝ ﻫﺎﻛﺎ.ﻣﻦ ﺑﻌﺪ ﺑﺪﻳﺖ ﻛﻨﻬﻀﺮ ﻣﻊ
ﻭﺣﺪﺓ ﻓﻴﻬﻢ ﻏﻴﺮ ﺑﺎﻟﻤﻴﺴﺎﺟﺎﺕ ﻣﻲ ﺑﺎﺵ ﻣﻨﺒﺎﻧﺶ
ﻛﻨﻴﺶ ﻗﺪﺍﻣﻬﻢ ﻣﻦ ﺑﻌﺪ ﻣﻠﻲ ﻃﻠﻌﺖ ﻟﻤﺪﻳﻨﺔ ﻗﻠﺒﺖ
ﻭﺟﻬﻲ ﻋﻠﻰ ﺩﻳﻚ ﺍﻟﻨﻤﺮﺓ.ﺻﺎﻓﻲ ﺩﺍﺯ ﺩﺍﻙ
ﻟﻔﺎﻛﻮﻧﺺ ﻭ ﺟﻴﺖ ﻓﺤﺎﻟﻲ ﻟﻜﺎﺯﺍ ﺅ ﺑﻘﺎﻭ ﺷﻲ
ﺩﺭﻳﺎﺕ ﻛﻲ ﻋﻴﻄﻮ ﻟﻴﺎ ﻣﻦ ﻏﻴﺮ ﺩﻭﻙ ﻟﻲ ﻓﻲ
ﺍﻟﻌﺮﻭﺑﻴﺔ ﻫﺎﺩﻭ ﺑﻨﺎﺕ ﻟﻤﺪﻳﻨﺔ ﻧﻌﻢ ﺍﺳﻲ ﻫﻬﻬﻬﻬﻪ
ﻟﻤﻬﻢ ﻣﻄﻮﻟﺘﺶ ﻣﻌﺎﻫﻢ ﻏﻴﺮ ﻛﺘﻘﻮﻟﻴﺎ ﺭﺍﻙ ﻋﺠﺒﺘﻴﻨﻲ
ﻛﻨﻘﻮﻟﻴﻬﺎ ﺍﻧﺎ ﺭﺍ ﻣﺰﻭﺝ ﻣﻲ ﻫﻤﺎ ﺟﺎﺑﺪﻳﻦ ﻟﻴﺎ
ﺍﻟﻀﻮﺳﻲ ﻋﺎﺭﻓﻴﻨﻲ ﺑﺎﻗﻲ ﺯﻭﻓﺮﻱ ﻫﻬﻬﻬﻪ.ﻭﺍﺧﺎ
.ﻫﻜﺎﻙ ﻣﺼﻮﺭﻭ ﻭﺍﻟﻮ ﺑﻘﺎﻭ ﺣﺘﺎ ﻧﻴﺴﻮ ﻭ ﻧﺴﺎﻭﻧﻲ
ﺩﺍﺯ 8 ﻟﻤﻬﻢ ﺑﺪﻳﺖ ﻟﻘﺮﺍﻳﺎ ﻓﻲ ﺍﻟﺴﻮﻧﻄﺮ ﻓﻲ ﺷﻬﺮ
ﺑﺪﺍ ﻓﻴﻪ ﺍﻟﺤﺪﺙ 10 ﻣﺰﻳﺎﻥ ﻭ ﺷﻬﺮ 9 ﺷﻬﺮ
ﺍﻟﺪﺭﺍﻣﻲ ﻭ ﻫﻨﺎ ﻓﻴﻦ ﻏﺪﻱ ﻧﻔﻘﺪ ﺍﻟﻠﺬﺓ ﺩﻳﺎﻝ ﺍﻟﺤﻴﺎﺓ
...ﻭﻏﺪﻱ ﻧﻀﺮﺏ ﺍﻟﺪﻧﻴﺎ ﺑﻄﺎﻟﻮﻥ
ﺑﺪﺍﺕ ﻟﻮﻟﻴﺪﺓ ﻛﺘﺠﺒﺪ ﻟﻴﺎ ﻟﻔﻜﺮﺓ ﺩﻳﺎﻝ ﺍﻟﺰﻭﺍﺝ ﻭﺍﻧﺎ
ﻗﻠﺖ ﻟﻴﻬﺎ ﻻ ﻗﻠﺖ ﻟﻴﻬﺎ ﺍﻧﺎ ﺑﺎﻗﻲ ﺑﺎﻏﻲ ﻧﻘﺮﺍ ﻛﻨﺖ
ﻓﻲ ﺍﻻﻭﻝ ﺑﺎﻏﻲ ﻧﺪﻳﺮ ﻛﻠﻴﺔ ﻭ ﻧﻘﺮﺍ ﺍﻻﻧﺠﻠﻴﺰﻳﺔ ﻣﻲ
ﻣﻠﻲ ﺣﺴﻴﺖ ﺑﺎﻟﻮﻟﻴﺪﺓ ﻣﻐﺘﻘﺪﺭﺵ ﺗﺼﺒﺮ ﻋﻠﻴﺎ ﻛﺘﺮ
.ﻗﻠﺒﺘﻬﺎ ﺳﻮﻧﻄﺮ
ﻟﻤﻬﻢ ﺑﻘﺎﺕ ﻛﺘﻠﺢ ﻋﻠﻴﺎ ﻭﺍﻧﺎ ﻧﻘﻮﻟﻴﻬﺎ ﺑﻠﻲ ﺍﻧﺎ ﺑﺎﻏﻲ
ﻭﺍﺣﺪ ﺍﻟﺒﻨﺖ ﻗﺮﺍﺕ ﻣﻌﺎﻳﺎ ﻣﻲ ﺑﻐﻴﺖ ﺣﺘﺎ ﻧﺨﺪﻡ
ﺣﻴﺚ ﻛﻨﺖ ﻋﺎﺭﻑ ﻋﺎﺋﻠﺘﻬﺎ ﺍﺵ ﺑﺎﻏﻴﻦ
ﻗﺎﻟﺖ ﺍ ﻭﻟﺪﻱ ﺍﻧﺎ ﻣﺒﻘﺎ ﻋﻨﺪﻱ ﻟﻴﻚ ﺟﻬﺪ ﻭﻭﻭﻭﻭﻭ
ﺭﺍﻛﻢ ﻋﺎﺭﻓﻴﻦ ﻟﻬﻀﺮﺓ ﺩﻳﺎﻝ ﺍﻟﻮﻟﻴﺪﻳﻦ ﻗﺎﻟﺖ
ﻧﻤﺸﻴﻮ ﻧﺸﻮﻓﻮ ﻟﻴﻚ ﺩﻳﻚ ﻟﺒﻨﺖ ﺍﻧﺎ ﻓﻲ ﺍﻻﻭﻝ
ﻗﻠﺖ ﻣﻊ ﺭﺍﺳﻲ ﻳﻘﺪﺭﻭ ﻳﻮﺍﻓﻘﻮ ﺣﻴﺖ ﻟﻮﻟﻴﺪﺓ
ﻋﻨﺪﻱ ﻛﺘﻌﺮﻑ ﺗﻬﻀﺮ ﻭﺗﻘﻨﻊ ﺑﻨﺎﺩﻡ ﻭﻗﻠﺖ ﺣﺘﺎ
ﺍﻟﻰ ﻣﻮﺍﻓﻘﻮﺵ ﺍﻟﺪﺭﻳﺔ ﻣﻐﺎﺩﺍﺵ ﺗﺨﻠﻰ ﻋﻠﻴﺎ ﺣﻴﺖ
ﺷﺤﺎﻝ ﻣﻦ ﻭﺍﺣﺪ ﺟﺎ ﺑﻐﺎ ﻳﺨﻄﺒﻬﺎ ﻭ ﻣﻜﺘﻮﺍﻓﻘﺶ
ﻟﻤﻬﻢ ﻫﻀﺮﺓ ﻟﻮﻟﻴﺪﺓ ﻣﻊ ﺍﻟﺪﺭﻳﺔ ﻭ ﺳﻮﻻﺗﻬﺎ ﻗﺎﻟﺖ
ﻟﻴﻬﺎ ﻭﺍﺵ ﺑﻐﻴﺘﻲ ﺗﺰﻭﺟﻲ ﺑﻴﻪ ﻗﺎﻟﺖ ﻟﻴﻬﺎ ﺍﻩ ﻭ
ﻗﺎﻟﺖ ﻟﻴﻬﺎ ﺑﺎﺵ ﺗﻘﻮﻟﻬﺎ ﻟﺪﺍﺭﻫﻢ ﻭﺗﻘﻮﻟﻴﻬﻢ ﺭﺍ
ﻏﺪﻳﻦ ﻧﺠﻴﻮ ﻋﻨﺪﻛﻢ ﻧﻬﺎﺭ ﻓﻼﻧﻲ.ﻟﻤﻬﻢ ﻣﺸﻴﻨﺎ
2014 10 ﻓﻲ ﺷﻬﺮ 11 ﺑﺎﻟﻀﺒﻂ ﻧﻬﺎﺭ
12:00 ﻭﺑﺎﻟﺴﺒﺖ ﻣﻊ ﺩﻳﻚ
ﻣﺸﺎﻭ ﻣﻌﺎﻧﺎ ﺷﻲ ﻧﺎﺱ ﻣﻦ ﺍﻟﺠﻴﺮﺍﻥ ﺩﻳﻨﺎ ﺩﺍﻙ
ﺍﻟﺸﻲ ﻟﻲ ﻗﺴﻢ ﺍﻟﻠﻪ ﺭﺍﻛﻢ ﻋﺎﺭﻓﻴﻦ ﺍﻟﻌﺎﺩﺍﺕ ﻭﺩﺍﻙ
ﺷﻲ ﻭﺻﻠﻨﺎ ﺩﻗﻴﻨﺎ ﻟﺒﺎﺏ ﻛﻲ ﺧﺮﺝ ﻟﻴﻨﺎ ﺑﺎﻫﺎ ﺳﻼﻡ
ﺳﻼﻡ ﺟﻴﻨﺎ ﻃﺎﻟﺒﻴﻦ ﺿﻴﻒ ﺍﻟﻠﻪ ﻭﻭﻭﻭﻭ ﻫﻮ ﻗﺎﻝ ﻟﻴﻨﺎ
... ﻣﺮﺣﺒﺎ ﺑﻀﻴﻒ ﺍﻟﻠﻪ ﻭﻟﻜﻦ
ﻏﻴﺮ ﻓﻲ ﺍﻟﺰﻧﻘﺔ ﻛﺎﻥ ﻣﻦ ﻟﻤﻔﺮﻭﺽ ﺍﺩﺧﻠﻨﺎ ﻟﺪﺍﺭ ﻭ
ﻳﺴﺘﻘﺒﻠﻨﺎ ﻭﻟﻜﻦ ﺣﻴﺖ ﻫﻮ ﻭﻟﺪ ﺍﻟﺰﻧﻘﺔ ﺧﻼﻧﺎ ﻓﻲ
ﺍﻟﺰﻧﻘﺔ ﺍﻧﺎ ﺟﺎﻧﻲ ﺩﺍﻙ ﺍﻟﺸﻲ ﻋﺎﺩﻱ ﻭﻣﺘﺴﻮﻗﺘﺶ
ﺣﻴﺖ ﻣﻔﺎﻫﻢ ﻭﺍﻟﻮ ﺍﻟﺴﻴﺪ ﻟﻲ ﻛﺎﻥ ﻣﻌﺎﻧﺎ ﻗﺎﻝ ﻟﻴﻪ
ﻫﺎ ﺍﺵ ﻛﻴﻦ ﻭﻛﻴﻦ.ﻭﻛﺎﻥ ﺍﻟﺠﻮﺍﺏ ﻗﺎﻟﻴﻨﺎ ﺍﻟﺪﺭﻳﺔ
ﻣﺎﺑﺎﻏﺎﺵ ﺗﺰﻭﺝ ﻭ ﺑﺎﻗﺎ ﺑﺎﻏﺎ ﺗﻜﻤﻞ ﻗﺮﺍﻳﺘﻬﺎ ﺍﻧﺎ ﻓﻲ
ﺻﺮﺍﺣﺔ ﻣﻘﺪﻳﺘﺶ ﻧﻬﻀﺮ ﻣﻔﻬﻤﺖ ﻭﺍﻟﻮ ﺑﺎﻏﻲ
ﻧﻬﻀﺮ ﻣﻲ ﺗﺰﻳﺰﻧﺖ ﺍﻭ ﺗﺎ ﻛﻔﺎﺵ ﺍﻟﺴﻴﺪ ﻗﺪ ﻫﻜﺎ ﻭ
ﻛﻴﻜﺬﺏ؟؟ﻟﻤﻬﻢ ﺍﻧﺎ ﻛﻨﺖ ﺩﺍﻳﺮ ﺣﺎﺟﺔ ﻭﺣﺪﺓ ﻓﺒﺎﻟﻲ
ﺑﻠﻲ ﺍﻟﺪﺭﻳﺔ ﻣﺎﻏﺎﺩﺍﺵ ﺗﺨﻠﻴﻨﻲ ﺣﻴﺖ ﻭﻋﺪﺍﺗﻨﻲ ﻣﻲ
ﻫﺎﺩ ﺍﻟﺸﻲ ﻛﻴﻜﻮﻥ ﻏﻴﺮ ﻓﻲ ﺍﻻﻓﻼﻡ ﻭ
.ﺍﻟﻤﺴﻠﺴﻼﺕ
ﺟﻴﻨﺎ ﻓﺤﺎﻟﻨﺎ ﻟﺪﺍﺭ ﻭﺩﺍﻙ ﺍﻟﺴﻴﺪ ﻟﻲ ﻛﺎﻥ ﻣﻌﺎﻧﺎ...
ﺟﺎﻱ ﻭ ﻛﻲ ﻟﻌﻦ ﻓﻴﻪ ﺣﻴﺖ ﺑﻘﺎ ﻓﻴﻪ ﻟﺤﺎﻝ ﻭﻫﺬﻱ
ﺣﺎﺟﺔ ﻃﺒﻴﻌﻴﺔ ﺍﻱ ﻭﺍﺣﺪ ﻣﻐﺪﻳﺶ ﺍﻋﺠﺒﻮ ﻟﺤﺎﻝ ﺑﺎﺵ
ﻳﺴﺘﻘﺒﻠﻚ ﻭﺍﺣﺪ ﻓﻲ ﺍﻟﺰﻧﻘﺔ ﺑﺪﻳﻚ ﺍﻟﻄﺮﻳﻘﺔ ﺭﺍ
ﺻﻌﻴﺒﺔ ﺷﻮﻳﺔ ﻟﻤﻬﻢ ﺍﻧﺎ ﺟﺎﻱ ﻣﺪﻭﻳﺘﺶ ﻭ ﻛﻨﺼﻴﻔﺖ
ﻟﻴﻬﺎ ﻓﻲ ﺍﻟﻤﺴﺎﺟﺎﺕ ﻛﻨﻘﻮﻟﻴﻬﺎ ﺍﺵ ﺩﻳﻚ ﻟﺤﺎﻟﺔ ﺩﺍﺭ
ﻟﻴﻨﺎ ﺑﺎﻙ ﻭﻭﻭ ﻗﺎﻟﺖ ﻟﻴﺎ ﺭﺍ ﻧﺘﻮﻣﺎ ﻟﻲ ﺟﺎﻳﻴﻦ
ﻫﺎﺟﻤﻴﻦ؟؟ ﻳﺎﻙ ﺍﻻﻟﺔ ﺻﺎﻓﻲ ﺳﻜﺖ ﻣﺒﻘﻴﺘﺶ
ﺻﻴﻔﺖ ﻟﻴﻬﺎ ﺷﻲ ﻭﺯﺓ.ﻣﻠﻲ ﻓﺘﻨﺎ ﺩﺍﺭﻫﻢ ﻭﺍﺣﺪ
ﺷﻮﻳﺔ ﻃﻼﻗﻴﻨﺔ ﻣﻊ ﻭﺍﺣﺪ ﺍﻟﺴﻴﺪ ﻛﻌﺮﻓﻨﺎ ﻭﻛﻨﻌﺮﻓﻮﻩ
ﻫﻮ ﻋﻨﺪﻭ ﺍﺳﺘﻮﺩﻳﻮ ﻭﻛﺎﻧﺖ ﺟﺎﺑﺘﻮ ﻟﻮﻟﻴﺪﺓ ﻓﻲ
ﺍﻟﺘﺴﻌﻴﻨﺎﺕ ﻓﻲ ﺍﻟﻄﻬﺎﺭﺓ ﺩﻳﺎﻟﻲ ﺍﻭﻝ ﻣﺮﺓ ﻏﺪﻱ
ﺩﺧﻞ ﻓﻴﻬﺎ ﺍﻟﻜﺎﻣﻴﺮﺍ ﻟﺴﻴﻜﺘﻮﺭ ﻋﻨﺪﻧﺎ ﻫﻬﻬﻬﻬﻬﻪ
ﻟﻤﻬﻢ ﻣﺎ ﻋﻠﻴﻨﺎ ﻋﺎﻭﺩﻧﺎ ﻟﻴﻪ ﺍﻟﻨﺰﻳﻠﺔ ﻣﻦ ﻃﺎﻕ ﻃﺎﻕ
ﺣﺘﻰ ﺍﻟﺴﻼﻡ ﻋﻠﻴﻜﻢ ﻭﺍﻟﺼﺪﻓﺔ ﻫﺎﺩ ﺍﻟﺴﻴﺪ ﺻﺪﻕ
ﻣﺮﺍﺿﻊ ﻣﻌﺎﻩ ﻫﻬﻪ ﻋﺮﻓﺘﻲ ﻣﻠﻲ ﺳﻤﻊ ﺩﺍﻙ ﺍﻟﺸﻲ
ﺑﻘﺎ ﻛﻴﺴﺐ ﻓﻴﻪ ﻭ ﻳﻠﻌﻦ ﻓﻴﻪ ﻫﻮ ﺷﻲ ﺭﺟﺎﻝ ﻛﺒﺎﺭ
ﻛﺎﻧﻮ ﻣﻌﺎﻩ ﺣﻴﺖ ﻋﺎﺭﻓﻴﻦ ﻫﺎﺩ ﺍﻟﺸﻲ ﻟﻲ ﺩﺍﺭ ﻣﺸﻲ
ﺻﻮﺍﺏ ﻭ ﺩﺍﻙ ﺍﻟﻤﺼﻮﺭ ﻛﻴﻌﺮﻓﻨﺎ ﻣﺰﻳﺎﻥ ﻗﺎﻝ
ﻟﻮﻟﻴﺪﺓ ﺩﺍﺑﺎ ﻧﻬﻀﺮ ﻣﻌﺎﻩ ﻭﻧﻘﻮﻟﻴﻜﻢ ﺍﺵ ﻛﻴﻦ ﻣﻦ
ﺑﻌﺪ ﺩﺍﺯﻭ ﺷﻲ ﻳﺎﻣﺎﺕ ﻭﺣﻨﺎ ﻧﻌﻴﻄﻮ ﻟﻴﻪ ﻗﺎﻝ ﻟﻮﻟﻴﺪﺓ
ﻏﻴﺮ ﻗﻠﺒﻲ ﻟﻴﻪ ﻋﻠﻰ ﺷﻲ ﺑﻨﺖ ﺍﻟﻨﺎﺱ ﻫﺎﺩ ﺍﻟﺴﻴﺪ
ﻣﻴﺼﻼﺣﺶ ﻟﻴﻪ.ﺍﻧﺎ ﻭﺍﺧﺎ ﻫﻜﺎﻙ ﻣﺒﻐﻴﺘﺶ ﻗﻠﺖ
ﻓﺨﺎﻃﺮﻱ ﻣﻨﻬﺎ ﻫﻲ ﻧﺨﻼﻕ ﺻﺎﻓﻲ ﻟﻮﻟﻴﺪﺓ ﻧﻴﺴﺎﺕ
ﻣﻨﻬﺎ ﺑﺪﺍﺕ ﻛﺘﻘﻠﺐ ﻓﻲ ﺟﻮﻳﻪ ﺍﺧﺮﻳﻦ ﻭﺍﻧﺎ ﺑﻘﻴﺖ
ﻛﻨﻬﻀﺮ ﻣﻌﺎﻫﺎ ﻓﻲ ﺍﻟﺘﻴﻠﻴﻔﻮﻥ ﻭﺩﻳﻤﺎ ﻛﻨﺴﻮﻟﻬﺎ ﺍﺷﻨﻮ
ﺩﺭﺗﻲ ﻭﺍﺵ ﻗﺪﺭﺗﻲ ﺗﻘﻨﻌﻲ ﺩﺍﺭﻛﻢ ﻭﺍﺵ ﻭﺍﺵ
ﻭﻟﻜﻦ ﻫﻲ ﺩﻳﻤﺎ ﻛﺘﺠﺎﻭﺑﻨﻲ ﺑﻨﻔﺲ ﺍﻟﺠﻮﺍﺏ ﺍﻧﺎ
ﻣﻌﻨﺪﻱ ﻣﻨﺪﻳﺮ ﻛﺘﻘﻮﻟﻴﺎ ﺑﻠﻲ ﺍﻧﺎ ﻟﻲ ﺧﺎﺻﻨﻲ ﻧﻬﻀﺮ
.ﻣﻊ ﺑﺎﺑﺎﻫﺎ
ﺩﺍﺑﺎ ﺩﺧﻠﻨﺎ ﻋﻠﻴﻜﻢ ﺑﺎﻟﻠﻪ ﻫﻮ ﺭﺍﺟﻞ ﻛﺒﺮ ﻣﻨﻮ ﻭﺍﻟﻨﺎﺱ
ﻟﻲ ﻛﺎﻧﻮ ﻣﻌﺎﻧﺎ ﻣﺤﺘﺎﺭﻣﻬﻤﺶ ﻓﻤﺎ ﺑﺎﻟﻚ ﺍﻧﺎ ﻟﻲ
ﺑﺎﻗﻲ ﻻﺻﻖ ﻓﻲ ﻟﺮﺽ..ﻗﻠﺖ ﻻ ﺍﻧﺎ ﺩﺭﺕ ﻟﻲ ﻋﻠﻴﺎ
ﺟﻴﺖ ﺩﻗﻴﺖ ﻟﺒﺎﺏ ﺍﻟﻰ ﺩﺭﺕ ﺷﻲ ﺣﺎﺟﺔ ﻣﻦ ﻏﻴﺮ
ﻫﺎﺩ ﺷﻲ ﻏﺪﻱ ﻧﻮﻟﻴﻮ ﻓﺸﺪ ﻟﻴﺎ ﻧﻘﻄﻊ ﻟﻴﻚ.ﺍﻧﺎ ﻓﻴﺎ
ﻣﻨﻤﺸﻲ ﻧﻬﻀﺮ ﻣﻌﺎﻩ ﻣﻲ ﻋﺎﺭﻑ ﺍﺷﻨﻮ ﻏﺪﻱ ﻳﻮﻗﻊ
ﻏﺪﻱ ﻳﻘﻮﻟﻴﺎ ﺷﻲ ﻛﻠﻤﺔ ﻣﺎﺷﻲ ﻫﻲ ﻫﺬﻳﻚ ﺍﻧﺎ
ﻣﻐﺪﻳﺶ ﻧﺼﺒﺮ ﻟﻴﻪ.ﻭﻏﺪﻱ ﻳﺠﻴﺒﻬﺎ ﻏﻴﺮ ﻓﺮﺍﺳﻮ
ﺣﻴﺖ ﺣﻨﺎ ﻟﺤﻤﺪ ﺍﻟﻠﻪ ﻋﻨﺪﻧﺎ ﻛﺎﻟﺔ ﺻﺤﻴﺤﺔ ﻓﻲ
ﺍﻟﻌﺎﺋﻠﺔ ﻭﻟﺪ ﺧﺎﻝ ﻟﻮﻟﻴﺪﺓ ﻛﻮﻟﻮﻧﻴﻞ ﺑﺘﻴﻠﻴﻔﻮﻥ
.ﻳﻐﺒﺮﻟﻤﻮ ﺷﻘﻒ
ﻟﻤﻬﻢ ﺑﻘﺎﺕ ﻟﻘﻀﻴﺔ ﻛﻤﺎ ﻫﻜﺎﻙ ﻭﺍﻧﺎ ﻣﺮﺿﺖ ﻓﻲ
ﺭﺍﺳﻲ ﻣﺒﻘﻴﺘﺶ ﻛﻨﺸﻮﻑ ﻧﻌﺎﺱ ﻟﻘﺮﺍﻳﺎ ﻣﺒﻘﻴﺘﺶ
ﻣﺴﻮﻕ ﻟﻴﻬﺎ ﻣﻠﻲ ﻛﻨﺪﺧﻞ ﺍﻟﺼﺎﻝ ﻭﺍﻧﺎ ﻏﻴﺮ ﻛﻨﺨﻤﻢ
ﻭﻣﻠﻲ ﻛﻨﻬﻀﺮ ﻣﻌﺎﻫﺎ ﻫﻲ ﻛﺘﻘﻮﻟﻴﺎ ﻧﺒﻘﺎﻭ ﻏﻴﺮ
ﻣﺼﺎﺣﺒﻴﻦ ﺍﻧﺎ ﻣﻜﺮﻫﺘﺶ ﻭﻟﻜﻦ ﻟﻮﻟﻴﺪﺓ ﻓﺮﻋﺎﺕ ﻟﻴﺎ
ﺩﻳﺎﻝ ﺍﻟﺪﺭﻳﺎﺕ ﻭﻛﻞ 6 ﺭﺍﺳﻲ ﻭ ﺧﻄﺒﺎﺕ ﻟﻴﺎ ﺷﻲ
ﻭﺣﺪﺓ ﻛﻨﺪﻳﺮ ﻟﻴﻬﺎ ﺍﻟﺴﺒﺔ ﺑﺎﺵ ﻣﻨﺨﺪﻫﺎﺵ ﻭﺣﺪﺓ
ﻓﻴﻬﻢ ﺍﺳﺘﺎﺫﺓ ﻣﻠﻘﻴﺘﺶ ﻟﻴﻬﺎ ﺷﻲ ﺳﺒﺔ ﺻﺎﻓﻲ ﻗﻠﺖ
ﻫﺪﻱ ﻫﻲ ﺍﻟﻠﺨﺮﺓ ﻟﻴﺎ ﻣﺸﻴﻨﺎ ﻟﺪﺍﺭﻫﻢ ﺑﻼ ﺑﻼ ﺑﻼ
ﺍﻧﺎ ﻏﻴﺮ ﺳﺎﻛﺖ ﻭ ﻛﻨﺸﻮﻑ. ﺍﻟﺒﻨﺖ ﺻﺮﺍﺣﺔ
ﻣﺎﺑﻴﻬﺎﺵ ﻓﺎﻳﺘﺎﻧﻲ ﺑﻌﺎﻣﻴﻦ ﻭ ﻫﻲ ﺑﻐﺎﺗﻨﻲ ﻭ ﺣﺘﺎ
ﻭﺍﻟﻴﺪﻳﻬﺎ ﺑﻐﺎﻭﻧﻲ ﻭﺍﺧﺎ ﺑﺎﻗﻲ ﻛﻨﻘﺮﺍ ﺣﻴﺖ ﻟﻮﻟﻴﺪﺓ
...ﻗﺎﻟﺖ ﺑﻠﻲ ﻏﺘﺼﺮﻑ ﻋﻠﻴﻨﺎ
ﻟﻤﻬﻢ ﺟﻴﻨﺎ ﻣﻦ ﻋﻨﺪ ﺩﻭﻙ ﺍﻟﻨﺎﺱ ﺑﻄﺒﻴﻌﺔ ﻟﺤﺎﻝ ﺍﻧﺎ
ﻣﺎﻋﺠﺒﻨﻴﺶ ﻟﺤﺎﻝ ﺣﻴﺖ ﻟﺨﺮﺍ ﺩﺍﺕ ﻟﻴﺎ ﻗﻠﺒﻲ
.ﻣﻘﺪﺭﺗﺶ ﻧﻔﻀﻞ ﻋﻠﻴﻬﺎ ﺷﻲ ﻭﺣﺪﺓ
ﺑﻘﻴﺖ ﻛﻨﻬﻀﺮ ﻣﻌﺎﻫﺎ ﻣﻲ ﻣﻜﻴﺘﺒﺪﻝ ﻭﺍﻟﻮ ﻧﻔﺲ
ﻟﻤﻮﺿﻮﻉ ﻧﻔﺲ ﺍﻻﺳﺌﻠﺔ ﻭﺍﻻﺟﻮﺑﺔ ﺻﺎﻓﻲ ﺍﻧﺎ
ﻣﺮﺿﺖ ﺣﻴﺎﺗﻲ ﺧﺴﺮﺍﺕ ﻣﺒﻘﻴﺖ ﻣﺴﻮﻕ ﻟﺤﺘﺎ ﺷﻲ
ﺣﺎﺟﺔ ﻧﻌﺎﺱ ﻣﺒﻘﻴﺘﺶ ﻛﻨﺸﻮﻓﻮ ﺅ ﺣﺘﺎ ﻏﺎﻉ ﺍﻟﻰ
ﻧﻌﺴﺖ ﻛﺎﻧﺖ ﻛﻀﺮﺑﻨﻲ ﻟﻔﻴﻘﺔ ﺑﺎﻟﻠﻴﻞ ﺣﻴﺖ ﻛﻨﺖ
ﻛﻨﺴﻤﻊ ﺷﻲ ﺑﻨﺖ ﻛﺘﻌﻴﻂ ﺑﺴﻤﻴﺘﻲ ﻭ ﻛﺘﺸﺪﻧﻲ
ﻣﻦ ﻛﺘﻔﻲ ﺑﺤﺎﻝ ﻣﻠﻲ ﻛﺘﺒﻐﻲ ﺗﻔﻴﻖ ﺷﻲ ﺣﺪ
ﻧﺎﻋﺲ؟ﺗﻤﺎﻣﺎ ﻭ ﻛﻨﻔﻴﻖ ﻭﺍﻟﻠﻪ ﺍﺧﻮﺗﻲ ﺍﻟﻰ ﺩﺍﻙ ﺷﻲ
ﺑﺤﺎﻻ ﺑﺼﺢ ﻣﻠﻲ ﻛﻨﻔﻴﻖ ﻣﻜﻨﻠﻘﺎ ﺣﺘﺎ ﺷﻲ ﺣﺪ
ﻛﻨﺒﺪﻯ ﻧﻘﺮﺍ ﻓﻲ ﺍﻟﻘﺮﺍﻥ ﺑﻘﻴﺖ ﺷﺤﺎﻝ ﻣﻦ ﺷﻬﺮ
ﻋﻠﻰ ﺩﻳﻚ ﻟﺤﺎﻟﺔ .ﻟﻮﻟﻴﺪﺓ ﻟﺤﺪ ﻛﺘﺎﺑﺔ ﻫﺬﻩ ﺍﻻﺳﻄﺮ
.ﻣﻌﺎﺭﻓﺎﺵ ﺍﺵ ﻛﺎﻥ ﻛﻴﻮﻗﻊ ﻟﻴﺎ
ﻛﻨﺖ ﻓﻲ ﻳﺎﻣﺎﺕ ﺍﻟﻠﻴﺴﻲ ﻓﻴﻨﻤﺎ ﻛﻴﻘﻮﻟﻴﺎ ﺷﻲ ﻭﺍﺣﺪ
ﺑﺤﺎﻝ ﻫﺎﺩ ﺍﻟﻌﻼﻗﺎﺕ ﻣﻜﺼﺪﻗﻮﺵ ﻛﻨﺖ ﻧﺠﺎﻭﺑﻮ
ﺑﺎﻟﻌﻜﺲ ﻭﻛﻨﺖ ﻛﻨﺪﺍﻓﻊ ﻋﻠﻰ ﺍﻟﺤﺐ ﻭﺣﺘﻰ ﻓﻲ
ﺍﻟﻘﺴﻢ ﻛﺎﻥ ﻭﺍﺣﺪ ﺍﻻﺳﺘﺎﺫ ﺩﻳﺎﻝ ﺍﻟﺘﺮﺑﻴﺔ ﺍﻻﺳﻼﻣﻴﺔ
ﻛﻬﻀﺮ ﻟﻴﻨﺎ ﻋﻠﻰ ﻫﺎﺩ ﺍﻟﻤﻮﺍﺿﻴﻊ ﺑﺰﺍﻑ ﻭ ﻛﻨﺖ
ﺩﻳﻤﺎ ﻛﻨﺘﻨﺎﻗﺶ ﻣﻌﺎﻩ ﺍﺻﻼ ﻛﺎﻥ ﻋﺎﺭﻑ ﻭ ﻏﺎﻉ
ﺍﻻﺳﺎﺳﻴﺪ ﻛﺎﻧﻮ ﻋﺎﺭﻓﻴﻦ ﻋﻼﻗﺘﻲ ﺑﺎﻟﺪﺭﻳﺔ ﻭﺣﺘﻰ
ﻟﻤﺪﻳﺮ ﺩﻳﺎﻝ ﺍﻟﻠﻴﺴﻲ ﻭ ﻣﻜﻨﺘﺶ ﻛﻨﻠﻘﺎ ﻣﻌﺎﻫﻢ
ﻣﺸﻜﻴﻞ.ﺣﻴﺖ ﻛﻨﺎ ﻣﺤﺘﺎﺭﻣﻴﻦ ﺭﺍﺳﻨﺎ ﻋﻜﺲ ﺷﻲ
ﻭﺣﺪﻳﻦ ﻟﻤﻬﻢ ﻓﺪﻳﻚ ﻟﻮﻗﺖ ﻛﺎﻧﻮ ﻳﻘﻮﻟﻮ ﻟﻴﺎ ﻧﻘﻄﻌﻮ
ﻟﻴﻚ ﺭﺟﻠﻴﻚ ﺗﺠﻴﻨﻲ ﻫﺎﻧﻴﺎ ﻏﻴﺮ ﻣﻴﻘﻮﻟﻮﺵ ﻟﻴﺎ ﻏﺪﻱ
.ﺗﻔﺎﺭﻕ ﻣﻌﺎﻫﺎ
ﻟﻤﻬﻢ ﻧﺮﺟﻌﻮ ﺍﻟﺪﺭﻳﺔ ﻟﻲ ﺍﺳﺘﺎﺫﺓ ﻣﻦ ﺑﻌﺪ ﻣﻠﻲ ﺟﻴﻨﺎ
ﻓﺤﺎﻟﻨﺎ ﺧﻠﻴﻨﺎ ﻟﻴﻬﻢ ﺍﻟﻜﺮﺓ ﺣﻨﺎ ﻛﻨﺎ ﻋﺎﺭﻓﻴﻦ ﺑﻠﻲ
ﻗﺎﺑﻠﻴﻦ ﻣﻲ ﺣﻴﺖ ﺟﺪﻫﺎ ﺑﺎﻗﻲ ﺣﻲ ﻛﺎﻥ ﺧﺎﺻﻬﻢ
ﻳﺘﺸﺎﻭﺭﻭ ﻣﻌﺎﻩ ﻭﻫﺎﺩ ﺟﺪﻫﺎ ﺻﺪﻕ ﺭﻭﻳﺠﻞ ﻫﻬﻬﻬﻪ
ﺩﺍﺭﻣﻌﺎﻳﺎ ﻟﻤﺰﻳﺎﻥ ﻭﻗﺎﻟﻴﻬﻢ ﺍﻧﺎ ﻣﺎﻣﻮﺍﻓﻘﺶ ﺣﻴﺖ
ﺍﻟﺪﺭﻱ ﺑﺎﻗﻲ ﺻﻐﻴﺮ ﻫﻬﻬﻪ ﺗﻬﻨﻴﺖ
ﻭﻫﺎﺩ ﺷﻲ ﻛﻮﻟﻮ ﻛﻨﺖ ﻛﻨﻌﺎﻭﺩﻭ ﻟﻴﻬﺎ ﻣﻲ ﻫﻲ
ﻣﻜﺎﻧﺖ ﻛﺪﻳﺮ ﻭﺍﻟﻮ ﻧﻲ ﺑﺎﻻ ﺗﻤﺸﻲ ﺗﺨﺮﺝ ﺩﻭﺭ
ﻭﺗﺴﺎﻓﺮ ﻭﺍﻧﺎ ﻣﺨﻠﻴﺎﻧﻲ ﻛﻨﺘﻌﺬﺏ ﻟﻤﻬﻢ ﺍﻧﺎ ﺑﺪﺍ
ﻛﻴﻄﻠﻊ ﻟﻴﺎ ﺍﻟﺪﻡ ﻭﻟﻴﺖ ﻏﻴﺮ ﻏﺪﻱ ﻭﻛﻨﺪﻋﻲ ﻋﻠﻰ
ﺑﺎﻫﺎ ﻭﻗﻠﺖ ﻟﻮﻟﻴﺪﺓ ﺻﺎﻓﻲ ﺩﻳﺮﻱ ﻟﻲ ﻋﺠﺒﻚ
ﻣﺒﻘﻴﺘﺶ ﻏﺎﺩﻱ ﻧﺪﺧﻞ ﻭﺣﺘﻰ ﻛﻨﻘﻮﻝ ﻏﺎﺩﻱ ﻧﺴﺎﻫﺎ
ﻣﻲ ﻣﻠﻲ ﻛﻨﻌﺲ ﻛﻴﻮﻗﻊ ﻟﻴﺎ ﻧﻔﺲ ﻟﺒﻼﻥ ﻭ ﻛﻨﺮﺟﻊ
...ﻧﻬﻀﺮ ﻣﻌﺎﻫﺎ
ﺻﺎﻓﻲ ﺣﺘﺎﻝ ﻭﺍﺣﺪ ﻧﻬﺎﺭ ﻗﻠﺖ ﻟﻴﻬﺎ ﺷﻮﻓﻲ ﺍﺑﻨﺖ
ﺍﻟﻨﺎﺱ ﻧﺘﻲ ﻭﻋﺪﺗﻴﻨﻲ ﻭ ﻣﻮﻓﻴﺘﻴﺶ ﺑﻮﻋﺪﻙ ﻗﺮﺭﺕ
ﺑﺎﺵ ﻧﺴﺎﻙ ﻭﺍﻟﻐﺮﻳﺐ ﻣﺎﻛﺎﻧﺶ ﺷﻲ ﺭﺩ ﻟﻔﻌﻞ ﺅﻻ
.ﺷﻲ ﺣﺎﺟﺔ ﺑﺤﺎﻝ ﻫﺎﻛﺎ ﺩﻏﻴﺎ ﻛﺘﻮﺍﻓﻖ
ﻗﻠﺖ ﻟﻴﻬﺎ ﻧﺘﻲ ﺗﺨﻠﻴﺘﻲ ﻋﻠﻴﺎ ﻣﻲ ﻫﻲ ﻛﺘﺤﺎﻭﻝ ﻏﻴﺮ
ﺩﻳﺮﻧﻲ ﺍﻧﺎ ﻟﻲ ﻏﺎﻟﻂ .ﺍﻩ ﻣﻦ ﻭﺍﺣﺪ ﺍﻟﻨﺎﺣﻴﺔ ﻋﻨﺪﻫﺎ
ﺍﻟﺼﺢ ﺍﻧﺎ ﻏﻠﻄﺖ ﻣﻠﻲ ﺑﻐﻴﺘﻬﺎ ﻣﻲ ﻫﻲ ﺿﺤﻜﺎﺕ
.ﻋﻠﻴﺎ
ﻭﻋﻴﺸﺎﺗﻨﻲ ﻓﻲ ﺍﻭﻫﺎﻡ ﺍﺻﻼ ﻋﻄﻴﺘﻬﺎ ﻛﺜﺮ ﻣﻦ
ﻗﻴﻤﺘﻬﺎ ﻛﺎﻥ ﻋﻠﻴﺎ ﻧﺪﻳﺮ ﻛﻤﺎ ﻛﻴﺪﻳﺮﻭ ﺍﻟﺪﺭﺍﺭﻱ ﻧﻜﻞ
ﻟﺤﻠﻮﻯ ﻭ ﻧﻠﻮﺡ ﺍﻟﻜﺎﻏﻂ ﻫﻬﻪ ﻣﻲ ﺍﻧﺎ ﺍﻟﺤﻤﺪ ﺍﻟﻠﻪ
ﻣﺘﺮﺑﻴﺘﺶ ﻋﻠﻰ ﻫﺎﺩ ﺷﻲ ﻭﺍﺧﺎ ﻛﻨﺖ ﻏﺪﻱ ﻧﻄﻴﺢ
ﻓﻴﻪ ﻣﻲ ﻛﻨﻠﻌﻦ ﺍﻟﺸﻴﻄﺎﻥ.ﺩﻳﻚ ﺍﻟﺴﻴﺪﺍ ﺍﻭﻝ ﻛﻠﻤﺔ
ﻗﻠﺖ ﻟﻴﻬﺎ ﻓﺎﺵ ﻫﻀﺮﺕ ﻣﻌﺎﻫﺎ ﺍﻭﻝ ﻣﺮﺓ ﻫﻲ
.ﺑﻐﻴﺖ ﻧﻜﻤﻞ ﻣﻌﺎﻙ ﺣﻴﺎﺗﻲ
ﻟﻤﻬﻢ ﻟﻮﻟﻴﺪﺓ ﻗﺎﻟﺖ ﻟﻴﺎ ﻏﺪﻳﻦ ﻧﻤﺸﻴﻮ ﻟﻤﺮﺍﻛﺶ
ﺣﻴﺖ ﻋﻨﺪﻧﺎ ﻟﻔﺎﻣﻴﻠﻴﺎ ﺗﻤﺎ ﻭﻗﺎﻟﺖ ﺑﺎﻏﺎ ﺗﻌﺰﻱ ﺷﻲ
ﻧﺎﺱ ﻣﻌﻠﻴﻨﺎ ﻣﺸﻴﻨﺎ ﺗﻤﺎ ﺍﻟﺴﺎﻋﺔ ﻟﻮﻟﻴﺪﺓ ﻣﺸﺎﺕ ﺗﻤﺎ
ﻏﻴﺮ ﺑﺎﺵ ﺗﻘﻠﺐ ﻟﻴﺎ ﻋﻠﻰ ﺯﻭﺟﺔ ﺍﻟﻤﺴﺘﻘﺒﻞ
ﻫﻬﻬﻬﻬﻬﻪ ﻭﺍﻟﺼﺪﻓﺔ ﺷﺎﻓﺖ ﻭﺣﺪﺓ ﻣﻦ ﺩﻭﻙ
ﻟﺒﻨﺎﺕ ﻟﻲ ﻛﺎﻧﻮ ﻣﺼﺪﻋﻴﻨﻲ ﻓﻲ ﺍﻟﻌﺮﺱ ﺩﻳﻚ
ﻟﻮﻗﺖ ﻭﻋﺠﺒﺎﺗﻬﺎ ﻣﻲ ﻟﻤﺸﻜﻴﻞ ﺩﺭﻳﺔ ﻣﺮﻳﻀﺔ
ﺑﺎﻟﺴﻜﺮ ﻣﺎﺑﻐﺎﺗﻬﺎﺵ.ﺭﺟﻌﻨﺎ ﻟﻤﺪﻳﻨﺔ ﺣﻴﺖ ﻭﺍﺣﺪ
ﻟﻤﺮﺓ ﻭﻟﺪﺍﺕ ﻭ ﻣﺸﺎﺕ ﺗﺰﺭﺭﻫﺎ ﻭﻛﺎﻧﺖ ﻋﺎﺭﻓﺔ
ﺑﻠﻲ ﻋﻨﺪﻫﺎ ﻭﺍﺣﺪ ﻟﺒﻨﺖ ﻗﻮﻗﺔ ﻫﻲ ﻫﺪﻳﻚ ﻣﺸﺎﺕ
ﺗﻀﺮﺏ ﻋﺼﻔﻮﺭﻳﻦ ﺑﺤﺠﺮ ﻭﺍﺣﺪ ﺍﻧﺎ ﻓﺼﺮﺍﺣﺔ
ﻋﺠﺒﺎﺗﻨﻲ ﺍﻟﺪﺭﻳﺔ ﻣﻲ ﺍﻟﺤﺐ ﻻ ﻳﺮﺣﻢ ﻣﺒﻐﻴﺘﺶ
ﻭ ﺣﺘﺎ ﺍﻟﺪﺭﻳﺔ ﻣﻜﻨﺘﺶ ﻣﻌﻤﺮﺓ ﺭﺍﺳﻬﺎ ﺑﺠﻮﺍﺝ.ﻟﻐﺪ
ﻟﻴﻪ ﻣﺸﻴﻨﺔ ﻟﺸﻠﻮﺡ...ﺍﻭﺍ ﺻﺎﻓﻴﻴﻴﻲ ﺑﻘﺎﻭ ﻟﻴﻨﺎ ﻏﻴﺮ
ﺷﻠﻮﺡ ﻣﺸﻴﻨﺎ ﻋﻨﺪ ﻭﺍﺣﺪ ﺍﻟﻨﺎﺱ ﺗﻤﺎ ﻟﻤﻬﻢ ﻣﻘﻠﻨﺎﺵ
ﻟﻴﻬﻢ ﻋﻼﺵ ﺟﻴﻨﺎ ﺣﻨﺎ ﻏﻴﺮ ﻣﺸﻴﻨﺎ ﻣﻊ ﺑﻨﺖ ﺧﺎﻟﺖ
ﻭﺭﺍﺟﻠﻬﺎ ﺣﻴﺖ ﻛﻌﺮﻓﻮﻫﻢ ﻣﻨﻬﺎ ﻧﻴﺖ ﻧﺸﻮﻓﻮ ﻟﺒﻨﺖ
ﻭ ﺍﻧﺎ ﺟﺎﻟﺲ ﺑﺤﺎ ﺟﺎﻟﺲ ﻋﻠﻰ ﺟﻤﺮ ﺑﻄﺎ ﻋﻠﻴﺎ ﻏﻴﺮ.
ﺍﻣﺘﺎ ﻧﻮﺽ ﺷﺎﻓﺖ ﻓﻴﺎ ﻟﻮﻟﻴﺪﺓ ﻗﺎﻟﺖ ﻟﻴﺎ ﺍﺵ ﻗﻠﺘﻲ
ﻗﻠﺖ ﻟﻴﻬﺎ ﻣﻌﺠﺒﺎﺗﻨﻴﺶ.ﻭﺍﺧﺎ ﻣﺸﻔﺘﻬﺎﺵ ﻫﻬﻬﻬﻬﻬﻪ
اصلا واخا تعجبني ماغاديش نقبل. من بعد رجعنا لمراكش. و من تما انا رجعت فحالي لكازا و خليت لوليدة تما حيت كانت عندي لقراية .هضرت مع الصاطة مرة خرى وتلاقينا بقينا كنفكرو فشي حل مي والو كنحس بيها هي بلي مابغا دير حتى مجهود.والغريب في الامر هو بعدما وقع هاد الشي الدرية زيانت و غلاضت كان من لمفروض ضعاف مي كفاش غدي ضعاف وهي غاعما مسوقا.
صافي بقينا هاكا و انا وليت واحد اخر وليت مفروح في السونطر ولاو عندي صحاب بزاف وليت عزيز عليهم باقي لدابا كنهضر معاهم لمهم وليت كوميدي ديما مرونها في القسم مكين غير النشاط والضحك مي لداخل عالم بيه غير الله.الساعة لقيت واحد الدري حتا هو قلبو مشوي كثار مني ههههه مي غير لفرق هو كان خاطبها غير وقع مشكيل بيناتهم وفرتك جقلا معاها هههههه معلينا قلت لدراري بلي انا صافي مسيني على راسي مغدي ندير والو هاد لعام..
بقيت عاطيها غير لتمناك ولتسطيا و كنت كنمشي مع واحد خينا لتداريب ديال الراجا في الوازيس.مكناش كنلقاو مشكيل في الغياب غير سرتافيكة بي 30 درهم كتعمر فيها شحالما بغيتي هههههه.واحد الطبيب كنت كليان ديالو ههه.
ايوا داز داك لعام مع انا كنت مرة مرة كنمشي نبريكولي فواحد الشركة و كان واحد الريسبونسابل جا عندي قاليا واش تخدم معايا قلت ليه اه حيت عارف راسي ممطفروش في السونطر من بعد لقيتو بدل رايو حيت انا فمي كياكلني غير لي جا عندي سولني اش قاليك فلان كنقوليه را بغاني نخدم معاه هههه اييييوا عمرو ليه راسو.لمهم بقيت حتا كملت لعام ديالي في السونطر عال الاقل اطبعوا ليا فديك الكريطينة عام ديال لفورماسيو.من بعد وفي رمضان بالضبط نهار الجمعة منورا صلاة التراويح جا عندي واحد السيد كيخدم في نفس الشركة وقاليا بلي خاصهم شي سطاجير واش تبغي تمشي قلت واخا.من بعد عيط ليا نهار الاثنين مشيت لشركة خرج عندي واحد قاليا جيب السيفي ديالك و تصويرة ديتهم ليه.ونهار الاربعاء عيط ليا واحد الليفرور حيت كنت عاطي نمرة ديالي ليهم ملي كدخلو لشركة كعيطو ليا كنمشي نشارجي معاهم و كيضبرو عليا هههه يلا خرجت من الدار وهو يعيط ليا السيد لي عطييتو السيفي قاليا نجي ندوز لونتخوتيان مشيت دخلت دوزت يلا بديت خدام مع الليفرور وهو يجي عندي عوتاني قاليا غتبدا دابا عطاني وحد لورقة غيليزتها وجبتها ليه.
بديت معاهم بخير لمهم انا كانت فيا واحد لبلية هي نكتب لقصص غير من لخيال ديالي وقلت علاش منكتبش سيناريو ونديرو فلم مع دراري وفعلا كنا قبل صورنا واحد لفلم.من بعد بدينا في واحد اخر واول لقطات مشينا درناهم فواحد لبلاصة كنت كنمشي ليها انا وديك الصاطة ملي سالينا وتمينا جايين فحالنا دراري دماراو لماطر ديالهم وانا يلا غدي ندماري لموطور وهي تبان ليا واحد الطوموبيل واقف حداها واحد خاينة ومعاه وحدة...
تصورو معايا هما بعاد عليا بزاف متقدرش تشوف وجههم مزيان وتعرفهم شكون و الدرية كانت عطياني بالظهر.. الى لعينين معرفوش هذيك الدرية شكون لقلب غدي يعرفها.ايييه هي البنت لي كنت معاها قسما بالله حتا عرفتها بلا منشوف وجهها ديك الساعة قلبي بدا كفدفد حتى كان غيسكت انا بديت كنصبر فراسي كنقول لا ماشي هي لا ماشي هي ولكن لقلب والله مبغا يتخدع كان متاكد مليون في المية بلي هي.وطاحت عليا شحال من حاجة فبالي نديرها فديك الساعة ونزيدكم واحد لقضية كنت حلمت بيها شحال هدي بلي خرجات لطريق ؤ ولات كتركب في الطوموبيلات ووو راكم عارفين . مي انا قلت ميمكنش دير هكا هدا غير حلم مي لحلم صبح حقيقة.معلينا انا بقا فيا لحال داك النهار داز خيب تصورو معايا كتشوف البنت لي كتبغي مع واحد اخر في بلاصة خاوية منكذبش عليكم كنت نقدر ندير اية حاجة داك النهار وزدت مرضت بزاف بديت كنحس بلي انا هو السباب حتى ولات بحال هاكا وووو لمهم حقدت على الدنيا و ميجي منها ولات كتبان ليا لحياة بحال شي عصير بلا سكر ولا عندي زايد ناقص
لمهم مع لمدة بديت كنسى واخا لقلب باقي مجروح مي قدرت نشد فراسي و منديرش شي حاجة لي غدي ندم عليها وقررت باش نبدى حياتي.و بقيت كنتفكر هاد شي لي دارت باش نمحيها من دماغي وباش تعرفو بلي هي مكلخة و معاطياش أهمية لموضوع كانت كتعاود لشي دري خدام معاها ويمكن يكون هو هاداك لي كان معاها فديك لبلاصة على هاد شي لي وقع لينا زعما بغاتو يعطيها شي فكرة ؤلا شي نصيحة ههههه مني انا ونجبد غادي نقوليها تفارقي معاه هدي حاجة باينة يفارقها معايا و يديها هو راكم عارفين لمهم هاد شي مرضني وقلت ليها بطبيعة لحال غدي يقوليك تفارقي معايا من هنا غدي يبدى يفرش ليك لحسيرة معلينا ملي بدات كدير هاد الستونات بديت كنيس منها عرفتها بلي عقلية اللا روب و ممنهاش كون كانت كتبغيني ديال بصح كون دارت غاع داك شي كانت كتقول ليا عوض تمشي تعاود لناس هاد شي.وملي كنهضر معاها نسولها اشنو درتي تقوليا معندي مندير.
منكذبش عليكم انا مغديش نكر بلي دوزت معاها سنين زوينة لكادو ديال عيد الميلاد كل عام و الورد وعيد الحب وووووو ولكن باش جزاتني في اللخر بطعنة في ظهري ودابا فنما كنتفكرها كنبدا ندعي عليها و كنتمنى ليها التعاسة في حياتها وحتى واليديها حيت ظلموني و مغديش نسمح ليهم حتال غدا يوم الدين.
بسباب هاد الشي مبقيتش كنتيق فشي حد ؤ ولا عندي زايد ناقص.لي بغا يطرا يطرا.
لحاجة الزوينة لي ربحت من هاد القصة كاملة وهاد صداع الراس هو اني خديت لباك ؤ هو باش خدام دابا لحمد الله و حاجة اخرى
خديت تجربة في الحياة و عرفت بلي الحب في المغرب غير اشاعة ههههه.
الحب والله ميقدو عليه بنات ليوم الا من رحم ربك.لمهم ادراري لي كيبغي شي وحد ميعطيهاش قيمة كثر من لقياس حيت غدي غير تزادها نغزة و تولي زيغة بزينها ومن تما غدي يبداو لمشاكيل.
هذا غير ملخص ديال القصة اما كون كتبت كولشي بالحرف والله مغنسالي غدي نفوت مسلسل سامحيني هههههه .
كان خاصني نسمي هاد لقصة غلطة حياتي مشي حب حياتي هههههه
النهاية.
محول الاكوادإخفاء الابتساماتإخفاء ركن الاسئلنة